PF ATM Withdrawal: PF पैसे ATMमधून काढता येणार? EPFO 3.0 मध्ये मोठा बदल; जाणून घ्या नियम
PF ATM Withdrawal: EPFO 3.0 अंतर्गत PF पैसे ATM आणि UPIद्वारे काढण्याची सुविधा प्रस्तावित आहे. सुविधा कशी असेल, किती पैसे काढता येतील आणि नियम काय असतील जाणून घ्या.
PF ATM Withdrawal: कर्मचारी भविष्य निर्वाह निधी संघटना (EPFO) आपल्या कोट्यवधी सदस्यांसाठी पीएफ काढण्याची प्रक्रिया अधिक सोपी करण्याच्या तयारीत आहे. ‘EPFO 3.0’ अंतर्गत भविष्यात पात्र सदस्यांना ATM आणि UPIच्या माध्यमातून पीएफमधील ठरावीक रक्कम काढता येण्याची सुविधा मिळू शकते.
कशी असेल सुविधा?
या योजनेत पीएफ खाते बँकिंग व्यवस्था आणि डिजिटल पेमेंट सुविधांशी जोडण्याची तयारी आहे. पात्रता पूर्ण झाल्यानंतर सदस्यांना ATM कार्ड किंवा UPIच्या माध्यमातून पैसे काढता येण्याची शक्यता आहे. आजारपण, शिक्षण, लग्न किंवा अन्य आपत्कालीन गरजांसाठी पीएफ आगाऊ रक्कम मिळवणे यामुळे सोपे होऊ शकते.
किती पैसे काढता येतील?
ATMमधून किती रक्कम काढता येईल, याची ठरावीक मर्यादा असेल. ही रक्कम पीएफमधून मिळणाऱ्या पात्र आगाऊ रकमेच्या नियमांनुसार ठरवली जाऊ शकते. मात्र, निकासीची अंतिम मर्यादा आणि इतर नियमांबाबत अधिकृत घोषणा होणे बाकी आहे.
सदस्यांचे UAN, आधार, मोबाइल क्रमांक आणि बँक खाते यांची माहिती अद्ययावत असणे आवश्यक ठरू शकते. त्यामुळे ही सुविधा सुरू होईपर्यंत अधिकृत EPFO माहितीकडे लक्ष देणे महत्त्वाचे आहे.
दरम्यान, EPFO 3.0 अंतर्गत UPIद्वारे PF पैसे काढण्याची सुविधा डिसेंबर 2026 अखेरपर्यंत सुरू होण्याची शक्यता आहे.
