England Beats Australia : ॲडलेडमध्ये इंग्लंडचा ऐतिहासिक पलटवार! ऑस्ट्रेलियाचा १३५ धावांनी धुव्वा उडवत मालिकेत १-१ अशी बरोबरी
England Beats Australia : ऑस्ट्रेलियाने मालिकेतील पहिला सामना मोठ्या फरकाने जिंकला. आता, इंग्लंडने दुसरा सामना जिंकून जोरदार पुनरागमन केले आहे. मालिका १-१ अशी बरोबरीत आहे आणि जो संघ तिसरा सामना जिंकेल तो मालिकाही जिंकेल.
England Beats Australia 2nd ODI Adelaide Oval Tom Banton Century Gus Atkinson Joe Root Record : इंग्लंड क्रिकेट संघाने ऑस्ट्रेलियाविरुद्धच्या तीन सामन्यांच्या एकदिवसीय मालिकेत जोरदार पुनरागमन केले आहे. ॲडलेड ओव्हल मैदानावर खेळवण्यात आलेल्या दुसऱ्या एकदिवसीय सामन्यात इंग्लंडने यजमान ऑस्ट्रेलियाचा तब्बल १३५ धावांनी धुव्वा उडवत मालिका १-१ अशी बरोबरीत आणली. प्रथम फलंदाजी करताना इंग्लंडने ५० षटकांत ६ बाद ३५५ धावांचा डोंगर उभारला, जी ऑस्ट्रेलियन भूमीवरील त्यांची सर्वोच्च वनडे धावसंख्या ठरली. प्रत्युत्तरात ऑस्ट्रेलियाचा डाव ४४.३ षटकांत २२० धावांवर संपुष्टात आला.
बँटनचे वादळी शतक अन् रूटचा ऐतिहासिक विक्रम –
नाणेफेक गमावून प्रथम फलंदाजी करताना बेन डकेट (९) लवकर बाद झाल्यानंतर टॉम बँटन आणि जो रूट यांनी दुसऱ्या विकेटसाठी १३७ धावांची विक्रमी भागीदारी रचली. जो रूटने ६२ धावांची खेळी करत एकदिवसीय क्रिकेटमध्ये ५० अर्धशतके पूर्ण करणारा पहिला इंग्लिश फलंदाज होण्याचा मान मिळवला. दुसरीकडे, सलामीवीर टॉम बँटनने ९९ चेंडूंत १२ चौकार आणि ३ षटकारांसह १२१ धावांची शानदार शतकी खेळी साकारली.
जॉर्डन कॉक्स आणि विल जॅक्सच्या फटकेबाजीने गाठला ३५५ चा पल्ला –
2nd ODI:England won by 135 runs.
#AUSvENG #cricket #SportsNetwork https://t.co/9BSlXQxLz1— Sports Network (@thesportsnetw) November 15, 2026
कर्णधार हॅरी ब्रूक (५) अपयशी ठरल्यानंतर मधल्या फळीत जॉर्डन कॉक्सने ४९ चेंडूंत ६७ धावा, तर विल जॅक्सने ४० चेंडूंत नाबाद ५४ धावा कुटत इंग्लंडला ३५५ धावांच्या ऐतिहासिक धावसंख्येपर्यंत पोहोचवले. प्रत्युत्तरात ३५६ धावांच्या विशाल आव्हानाचा पाठलाग करताना कांगारूंची सुरुवात अत्यंत खराब झाली. ट्रॅव्हिस हेड (७), कूपर कोनोली (०), मिचेल मार्श (२) आणि जोश इंग्लिस (३) स्वस्तात बाद झाल्याने ऑस्ट्रेलियाची अवस्था २९ धावांत ४ बाद अशी झाली.
रेनशॉ-ग्रीनची झुंज अपयशी; सॅम करन आणि डॉसनने फिरवला खेळ
Tom Banton century beats Australia at Adelaide Oval
Tom Banton scored 121 off 99 balls as England posted 355 for six and beat Australia by 135 runs in the second one-day international at Adelaide Oval on Sunday. The result levelled the three-match series at 1-1.
England had been bowled out for 131 in Perth two days earlier. Banton was hit on the helmet by Spencer Johnson and went on to a century off 86 balls, his second in ODIs. He added 137 for the second wicket with Joe Root, who made 62 runs.
It was England’s highest ODI total in Australia and the first time Australia had conceded more than 350 at home in the format.
Gus Atkinson then took four for 28 his best figures in ODIs, as Australia fell to 29 for four and were bowled out for 220.
The series will be decided in the third ODI at Bellerive Oval in Hobart on Wednesday, November 18.
#AUSvENG #TomBanton #ZalmiTV
— Zalmi TV (@zalmitvlive) November 15, 2026
मॅट रेनशॉ (६३) आणि कॅमेरून ग्रीन (६४) यांनी पाचव्या विकेट्ससाठी ९८ धावांची भागीदारी करत प्रतिकार केला; मात्र लियाम डॉसनने ही जोडी फोडली. त्यानंतर सॅम करनने सलग दोन चेंडूंवर बळी घेत ऑस्ट्रेलियाच्या आशा संपुष्टात आणल्या. गस ॲटकिन्सनने २८ धावांत ४ विकेट्स घेतल्या, तर शतकी खेळी करणाऱ्या टॉम बँटनला ‘प्लेअर ऑफ द मॅच’ घोषित करण्यात आले.
