Pak Vs Eng Test : इंग्लंड आणि पाकिस्तान यांच्यातील बहुप्रतिक्षित तिसरा आणि अंतिम कसोटी सामना (Pak Vs Eng Test) ९ सप्टेंबरपासून बर्मिंगहॅममधील ऐतिहासिक एडजबॅस्टन मैदानावर रंगणार आहे.

या संपूर्ण महिन्यातील हा एकमेव कसोटी सामना असल्याने (Pak Vs Eng Test) दोन्ही संघांसाठी तो अत्यंत प्रतिष्ठेचा मानला जात आहे. मात्र, प्रत्यक्ष सामना सुरू होण्याआधीच मैदानावरील खेळपट्टीवरून एका मोठ्या वादाला तोंड फुटले असून, इंग्लंड क्रिकेटवर थेट खेळपट्टी घोटाळ्याचे गंभीर आरोप झाले आहेत.

पाकिस्तानचे माजी दिग्गज क्रिकेटपटू बाझिद खान यांनी इंग्लंडच्या हेतूवर आणि खेळपट्टी बनवण्याच्या पद्धतीवर (Pak Vs Eng Test) जाहीरपणे बोट ठेवले आहे. इंग्लंड इतर संघांसोबत उघडपणे दुटप्पी भूमिका आणि भेदभाव करत असल्याचा खळबळजनक दावा त्यांनी केला. त्यांच्या मते, यामागे केवळ खेळ नसून एक मोठा व्यावसायिक अजेंडा दडला आहे.

बाझिद खान यांनी स्पष्ट केले की, इंग्लंड जेव्हा भारताविरुद्ध खेळते, तेव्हा मुद्दाम फलंदाजीला पोषक अशा सपाट खेळपट्ट्या तयार केल्या जातात; मात्र पाकिस्तान किंवा इतर संघांविरुद्ध खेळताना अत्यंत कठीण आणि गोलंदाजांना मदत करणाऱ्या खेळपट्ट्या बनवल्या जातात.

भारताविरुद्धचे सामने पूर्ण पाच दिवस चालावेत आणि त्यातून जास्तीत जास्त आर्थिक नफा कमावता यावा, हाच यामागील मुख्य उद्देश असल्याचा आरोप त्यांनी केला. इतर संघांसोबतचे सामने मात्र खेळपट्टीच्या दर्जाअभावी अवघ्या तीन दिवसांतच निकालात निघतात, याकडेही त्यांनी लक्ष वेधले.

सामन्याच्या अवघ्या काही तासांआधी पाकिस्तानी दिग्गजाने उपस्थित केलेल्या या गंभीर आरोपांमुळे (Pak Vs Eng Test) क्रिकेट जगतात मोठी खळबळ उडाली असली, तरी इंग्लंड क्रिकेट बोर्डाने अद्याप यावर कोणतीही अधिकृत प्रतिक्रिया दिलेली नाही.