Emraan Hashmi : बॉलिवूड अभिनेता ‘इमरान हाश्मी’ सध्या त्याच्या ‘ग्राउंड झिरो’ या नवीन चित्रपटामुळे चांगलाच चर्चेत आहे. आपल्या करिअरच्या सुरुवातीलाच इमरान हाश्मीला ‘सिरियल किसर’चा टॅग मिळाला होता. यानंतर, ही प्रतिमा बराच काळ त्याच्यासोबत राहिली, ज्यामुळे त्याला असेच चित्रपट मिळत राहिले. लोकांना असे वाटू लागले की इम्रान त्याच्या प्रतिमेमुळेच चित्रपटसृष्टीत टिकून आहे. आता इमरान हाश्मीने याबद्दल उघडपणे बोलले आहे. यासोबतच, ‘शांघाय’ चित्रपटाने त्यांची ही प्रतिमा कशी खोडून काढली हे देखील त्याने सांगितले. अभिनेता नुकतंच एका पॉडकास्टवर दिसला होता. यावेळी इमरान हाश्मीने स्वतःबद्दल आणि त्याच्या सिनेमांबद्दल मनमोकळेपणाने चर्चा केली. ‘शांघाय’ चित्रपट प्रदर्शित झाल्यानंतर त्याच्या अभिनय कौशल्याचे खूप कौतुक झाल्याचे अभिनेत्याने सांगितले. भरपूर प्रेम देण्यासोबतच लोकांनी अनेक पुष्पगुच्छ आणि भेटवस्तू देखील पाठवल्या. इमरान हाश्मी म्हणाला, ‘पण लोकांना वाटलं की ठीक आहे आम्हाला वाटलं की तो फक्त पडद्यावर चुंबन घेतो पण त्याला अभिनयही येतो.’ तो चित्रपट शांघाय होता. समीक्षकांनी माझे खूप कौतुक केले. यशाच्या बाबतीत तो माझ्या कारकिर्दीचा चांगला काळ होता. माझे अनुभव खूप चांगले आहेत. माझ्या कारकिर्दीत मला खूप अनुभव मिळाले आहेत’. असं तो यावेळी म्हणाला. राजकीय थ्रिलर सिनेमा…. ‘शांघाय’ हा चित्रपट २०१२ मध्ये प्रदर्शित झाला होता. दिबाकर बॅनर्जी यांच्या राजकीय थ्रिलरमध्ये अभय देओल, फारुख शेख, कल्की कोचलिन आणि प्रोसेनजीत चॅटर्जी यांनीही महत्त्वाच्या भूमिका साकारल्या होत्या. चित्रपटात इम्रान एका वेगळ्याच अंदाजात आणि अवतारात दिसला. या चित्रपटाने बॉक्स ऑफिसवर काही खास कामगिरी केली नाही, परंतु समीक्षक आणि लोकांनी त्याचे कौतुक केले.
