नवी दिल्ली – दिल्ली-एनसीआरमध्ये कडाक्‍याच्या उकाड्यात मंगळवारी सकाळी अचानक हवामानात बदल झाला. दिल्ली एनसीआरच्या अनेक भागात धुळीचे वारे वाहत होते आणि आकाशात धुळीची चादर दिसत होती. धुळीमुळे रस्त्यावरची दृष्यमानताही कमी होती.

दिल्ली-एनसीआरच्या अनेक भागात सकाळपासूनच धुळीचे साम्राज्य आहे. काल रात्रीपासून जोरदार वारे वाहत आहेत. त्यामुळे आकाशात धुळीची चादर पाहायला मिळत आहे. त्यामुळे इंदिरा गांधी आंतरराष्ट्रीय विमानतळावरील दृश्‍यमानता 1100 मीटरपर्यंत कमी झाली आहे.

गेल्या पाच दिवसांपासून नागरिकांना कडक उन्हाचा सामना करावा लागत होता. यादरम्यान अनेक भागांतील तापमान 41 अंशांच्या पुढे राहिले. आज आणि उद्या दिल्ली-एनसीआरच्या काही भागात हलक्‍या रिमझिम पाऊस पडू शकतो, असे हवामान खात्याचे म्हणणे आहे. मात्र नागरिकांना उष्णतेपासून दिलासा मिळण्याची अपेक्षा नाही.

सोमवारी कमाल तापमान 41.3 अंश सेल्सिअस तर किमान तापमान 25.2 अंश सेल्सिअस होते. सकाळपासूनच कडक उन्हामुळे नागरिक त्रस्त झाले होते. मंगळवारी हलक्‍या रिमझिम पावसाची शक्‍यता हवामान खात्याने व्यक्त केली आहे.

मात्र, पावसाने दडी मारली असली तरी दिल्लीकरांना उन्हापासून दिलासा मिळण्याची अपेक्षा नाही. मंगळवारी कमाल तापमान 41 अंश सेल्सिअस तर किमान तापमान 26 अंश सेल्सिअस राहण्याचा अंदाज आहे. यासोबतच ताशी 30 ते 40 किलोमीटर वेगाने वारे वाहू शकतात.

हवामान विभागाच्या म्हणण्यानुसार, नजफगढ परिसर सोमवारी सर्वात उष्ण होता, जेथे कमाल तापमान 43.9 अंश आणि किमान तापमान 26.7 अंश होते. त्याच वेळी, नरेला परिसराचे कमाल तापमान 42.3 अंश सेल्सिअस, तर किमान तापमान 24.2 अंश सेल्सिअस नोंदवले गेले.