Emmy Awards 2025:  एंजेलिसच्या पीकॉक थिएटरमध्ये टेलिव्हिजन क्षेत्रातील सर्वात मोठे आणि प्रतिष्ठेचे 77 वे एमी अवॉर्ड्स सोहळा पार पडला. ड्रामा, कॉमेडी, लिमिटेड किंवा अँथॉलॉजी सीरिज अशा एकूण 26 वेगवेगळ्या श्रेणींमध्ये पुरस्कार प्रदान करण्यात आले. हा सोहळा कॉमेडियन नॅट बार्गेट्ज यांनी होस्ट केला.

महत्त्वाचे विजेते

जीन स्मार्ट – कॉमेडी सीरिज ‘हॅक्स’ साठी सर्वोत्कृष्ट अभिनेत्री.

सेथ रोजेन – ‘द स्टुइडो’ साठी कॉमेडी सीरिज सर्वोत्कृष्ट अभिनेता.

ब्रिट लोअर – ‘सेवरन्स’ साठी दुसऱ्या वर्षीही ड्रामा सीरिज सर्वोत्कृष्ट अभिनेत्री.

कॅथरीन लानासा – ‘द पिट’ साठी ड्रामा सीरिज सर्वोत्कृष्ट सहाय्यक अभिनेत्री.

ट्रॅमेल टिलमॅन – ‘सेवरन्स’ मधील भूमिकेसाठी ड्रामा सीरिज सर्वोत्कृष्ट सहाय्यक अभिनेता.
विशेष म्हणजे, हा पुरस्कार जिंकणारे ते पहिले कृष्णवर्णीय अभिनेता ठरले. त्यांनी हा सन्मान आपल्या दिवंगत आईला अर्पण केला.

जेफ हिलर – ‘समबडी समव्हेअर’ मधील जोएलच्या भूमिकेसाठी कॉमेडी सीरिज सर्वोत्कृष्ट सहाय्यक अभिनेता.

 

ठळक मुद्दे

या पुरस्कार सोहळ्यात प्रेक्षकांना ड्रामा, कॉमेडी आणि विविध श्रेणींमधील चमकदार परफॉर्मन्ससाठी कलाकारांचा गौरव पाहायला मिळाला.

ट्रॅमेल टिलमॅनचा ऐतिहासिक विजय हा या वर्षीच्या एमी अवॉर्ड्समधील सर्वात चर्चेतला क्षण ठरला.

अनुभवी अभिनेत्री जीन स्मार्ट आणि नव्या पिढीतील कलाकार ब्रिट लोअर यांनी आपली छाप कायम ठेवली.

एकूणच, 77 वे एमी अवॉर्ड्स हे टेलिव्हिजनच्या दर्जेदार कलाकृती आणि कलाकारांचा उत्सव ठरले.