Ladki Bahin Yojana : ‘मुख्यमंत्री माझी लाडकी बहीण’ योजनेबाबत राज्याचे उपमुख्यमंत्री एकनाथ शिंदे यांनी मोठं विधान केले. लाडकी बहीण योजना कधीही बंद होऊ शकते असं वारंवार विरोधकांकडून बोललं जात आहे. यावरच बोलताना एकनाथ शिंदे यांनी विरोधकांना उत्तर देताना स्पष्टपणे सांगितले की, ‘कोणी कितीही आटापिटा केला तरी लाडकी बहीण योजना बंद होणार नाही.’ एकनाथ शिंदे यांच्या या विधानामुळे लाडकी बहीण योजनेच्या लाभार्थी महिलांना दिलासा मिळाला. (Ladki Bahin Yojana)

श्री संत सद्गुरु योगीराज गंगागिरीजी महाराज यांच्या १७९ व्या अखंड हरिनाम सप्ताह आयोजित करण्यात आला आहे. या कार्यक्रमाला मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी हजेरी लावत उपस्थितांसोबत संवाद साधला. यावेळी मुख्यमंत्री आणि उपमुख्यमंत्र्यांनी राज्यातील लाडक्या बहिणी आणि शेतकऱ्यांच्याबाबत मोठं विधान केले. एकनाथ शिंदे यांनी सांगितले की, ‘सरकारच्या तिजोरीवर पहिला हक्क शेतकरी बळीराजाचा आहे. शेतकरी कर्ज मुक्तीचा दुसरा हप्ता काल वर्ग केला आहे.’ (Ladki Bahin Yojana)

तर मुख्यमंत्री देवेंद्र फडणवीस यांनी शेतकरी कर्जमाफीविषयी बोलताना स्पष्टपणे सांगितले की, ‘आमच्या मागे ही ताकद होती म्हणून आम्ही आज सरकारमध्ये आहोत. आमचे सरकार शेतकरी, कष्टकरी यांच्या माध्यमातून काम करत आहे. शेतकरी कर्जमाफी केली. ३६५ दिवस दिवसा ८ तास वीज देत आहोत.’ (Ladki Bahin Yojana)

दरम्यान, मुख्यमंत्री देवेंद्र फडणवीस यांनी दोन दिवसांपूर्वी लाडकी बहीण योजनेबाबत मोठं विधान केले होते. ‘जोपर्यंत राज्यात महायुतीचे सरकार आहे तोपर्यंत लाडकी बहीण योजना कधीही बंद होणार नाही आणि महिलांना आर्थिक मदत मिळत राहील.’, असे म्हणत मुख्यमंत्र्यांनी लाडकी बहीण योजनेतील लाभार्थी महिलांना दिलासा दिला होता. (Ladki Bahin Yojana)

तसंच, राज्यातील लाडक्या बहिणी आता जुलै आणि ऑगस्ट या दोन्ही महिन्यांचे ३००० रुपये खात्यात कधी जमा होणार याची वाट पाहत आहेत. हे ३००० रुपये रक्षाबंधनच्या आधी लाडक्या बहिणींच्या खात्यात जमा होतील अशी चर्चा सध्या सुरू आहे. (Ladki Bahin Yojana)

Ladki Bahin Yojana : रक्षाबंधननिमित्त लाडक्या बहिणींना मिळणार खास भेट; खात्यात जमा होणार 1500 रुपये

Ladki Bahin Yojana : मोठी अपडेट..! रक्षाबंधनापूर्वी लाडक्या बहिणींच्या खात्यात जमा होणार ३,०००?