नैरोबी – 28 फेब्रुवारीला वापराविना बाद झालेल्या म्हणजेच एक्‍सपायर्ड झालेल्य कोविड-19 लसीचे 840,000 डोस केनिया नष्ट करणार आहे. आरोग्य मंत्रालयाच्या एका वरिष्ठ अधिकाऱ्याने ही माहिती दिली आहे. या लसी जानेवारीमध्ये कोवॅक्‍स सुविधेद्वारे देणगी म्हणून प्राप्त झालेल्या 2.2 दशलक्ष डोसचा एक भाग असून देशभरात वितरित करण्यात आल्या होत्या, अशी माहिती मुताही कागवे यांनी दिली.

कागवे यांनी सांगितले, केनियातील लोकांमधील असंतुष्टता आणि लसीबाबत वाढत्या संकोचमुळे या लसी कालबाह्य झाल्याचे सांगण्यात येत आहे. करोनाचा सकारात्मकता दर आणि कोविड-19 प्रवेशांमध्ये घट झाल्यामुळे केनियातील लोक संतुष्ट आहेत. फेब्रुवारीच्या सुरुवातीस नोंद झाल्याप्रमाणे लसींचे प्रमाण 2,52,000 वरून दैनिक लसीकरण दर दररोज 30,000-40,000 पर्यंत घसरले आहे.

केनियाच्या नागरिकांकडून दुसऱ्या लसींना पसंती देण्यात आल्यामुळे ऍस्ट्राझेनेका लसींना कमी पसंती मिळत आहे. विशेषत: लसींबाबत चुकीची माहिती आणि अफवांमुळे नागरिक लस घेताना संकोच करत असल्याचे त्यांनी सांगितले.

दरम्यान, केनियाला आतापर्यंत सुमारे 27 दशलक्ष लसीचे डोस मिळाले आहेत. यापैकी 17.4 दशलक्ष डोस देण्यात आले आहेत. या देशात आतापर्यंत आठ दशलक्ष लोकांचे पूर्ण लसीकरण करण्यात आले आहे. तसेच संपूर्ण आफ्रिका, युगांडा, मलावी, सेनेगल आणि नायजेरियामध्येही लस कालबाह्य झाल्याची नोंद झाली आहे.