Entertainment News | साऊथ सिनेइंडस्ट्रीत खळबळ उडवणारी बातमी समोर आली आहे. बेटिंग प्लॅटफॉर्मना प्रोत्साहन दिल्याच्या आरोपाखाली अंमलबजावणी संचालनालयाने (ईडी) अभिनेता विजय देवरकोंडा, राणा दग्गुबाती, प्रकाश राज यांच्यासह 29 हुन अधिक सेलिब्रिटींवर गुन्हा दाखल केला आहे तेलंगणातील 29 सिनेकलाकार, यूट्यूबर आणि इंस्टाग्राम इन्फ्लुएंसर यांच्या विरोधात बेकायदेशीर सट्टेबाजी ॲप्सला प्रोत्साहन दिल्याबद्दल ईडीने गुन्हा दाखल केला आहे. सायबराबाद पोलिसांनी दाखल केलेल्या एफआयआरच्या आधारावर ही कारवाई करण्यात आली आहे. व्यावसायिक फणींद्र शर्मा यांनी केलेल्या तक्रारीवरून हा गुन्हा दाखल करण्यात आला आहे. या ॲप्समुळे मध्यमवर्गीय कुटुंबे आर्थिक संकटात सापडत आहेत आणि ज्याचे प्रमोशन प्रसिद्ध चित्रपटातील सेलिब्रिटी करत आहेत, असे त्यांनी तक्रारीत नमूद केलं आहे. ईडीकडून मनी लॉन्ड्रिंग कायद्यांतर्गत (पीएमएलए) तपास सुरू सायबराबाद पोलिसांनी 19 मार्च 2025 रोजी 29 सेलिब्रिटींविरुद्ध तेलंगणा गेमिंग ॲक्ट आणि माहिती तंत्रज्ञान कायद्याच्या कलमांनुसार एफआयआर दाखल केला. पोलिसांनी दिलेल्या माहितीनुसार, या ॲप्समध्ये हजारो कोटी रुपयांचे व्यवहार झाले आहेत. सामान्य लोकांना हे ॲप्स आर्थिक अडचणीत आणत असल्याच्या तक्रारीनंतर ईडीने मनी लॉन्ड्रिंग कायद्यांतर्गत (पीएमएलए) तपास सुरू केला आहे. या प्रकरणात विजय देवरकोंडा, राणा दग्गुबाती, प्रकाश राज, अनन्या नागल्ला, प्रणीता सुभाष, मंचू लक्ष्मी, निधी अग्रवाल, अँकर श्रीमुखी, श्यामला, यूट्यूबर हर्षा साई, बय्या सनी यादव आणि लोकल बॉय नानी यांच्या नावांचा समावेश आहे. Entertainment News | हेही वाचा: Nagpur school with curtains : विद्यार्थ्यांचे भवितव्य टांगणीला… नागपूरातील या गावात पडदे टाकून बनवल्या वर्गखोल्या; नेमकं प्रकरण काय?
