Pakistan – पाकिस्तानच्या खैबर पख्तुनख्वा आणि पंजाब प्रांतातील पेशावर आणि इस्लामाबाद शहरांसारख्या काही शहरांना आज भूकंपाचा धक्का जाणवला. या भूकंपाची तीव्रता ५.९ मॅग्निट्युड इतकी होती. मात्र यामुळे जीवितहानी किंवा नुकसानीचे तात्काळ कोणतेही वृत्त नाही. स्थानिक वेळेनुसार संध्याकाळी ६:०९ वाजता झालेल्या भूकंपाचे केंद्र अफगाणिस्तानच्या हिंदूकुश प्रदेशात १०१ किलोमीटर खोलीवर होते, असे पाकिस्तान हवामान खात्याने सांगितले. खैबर पख्तूनख्वा आणि पंजाबमधील विविध शहरांमध्ये तसेच इस्लामाबादमध्ये भूकंपाचे धक्के जाणवले. अरबी समुद्र, भारतीय आणि युरोप-आशियन भूस्तरांच्या सीमेवर मेवर असल्याने पाकिस्तान भूकंपप्रवण क्षेत्रात आहे. गेल्या शुक्रवारी बलुचिस्तान प्रांतात ५.६ तीव्रतेचा भूकंप झाला, परंतु कोणतीही जीवित किंवा वित्तहानी झाली नाही. त्याचा केंद्रबिंदू प्रांतातील खुजदार शहरापासून ८६ किमी ईशान्येस होता.
