Earthquake in Delhi।  दिल्ली-एनसीआरमध्ये आज सकाळी पावसाच्या दरम्यान भूकंपाचे जोरदार धक्के जाणवले. सुमारे १० सेकंद भूकंपाचे धक्के जाणवले. सकाळी ९.०४  मिनिटांनी भूकंपाचे धक्के जाणवले. हे धक्के दिल्ली, नोएडा, गाझियाबाद, गुरुग्राम, फरीदाबाद, रोहतक, हिसार आणि सोनीपत याठिकाणीही जाणवले असल्याचे सांगण्यात येत आहे.  भूकंपाचे केंद्र हरियाणातील झज्जर असल्याचे सांगितले जात आहे. रिश्टर स्केलवर त्याची तीव्रता ४.४ होती. भूकंपाच्या भीतीने लोक घरे आणि कार्यालये सोडून बाहेर पळाले.

हरियाणातील झज्जर जिल्ह्यात भूकंपाचे केंद्र Earthquake in Delhi।

राष्ट्रीय भूकंप विज्ञान केंद्र (एनसीएस) नुसार, १० जुलै २०२५ रोजी सकाळी ९:०४ वाजता भूकंप झाला, ज्याची खोली १० किलोमीटर असल्याचे सांगितले जाते. हरियाणातील सोनीपत येथेही भूकंपाचे धक्के जाणवले. स्थानिक लोकांच्या मते, सकाळी ९:०५ वाजता काही सेकंदांसाठी पृथ्वी हादरली. याशिवाय, उत्तर प्रदेशातील मेरठ आणि हापूर येथेही भूकंपाचे धक्के जाणवले.

आज सुबह दिल्ली NCR में आए भूकंप में अभी तक किसी प्रकार के नुकसान की सूचना नहीं है।

हम सभी दिल्लीवासियों की कुशलता की कामना करते है।#भूकंप#earthquake

— Delhi Police (@DelhiPolice) July 10, 2025

दिल्ली एनसीआरमध्ये वेळोवेळी भूकंप  Earthquake in Delhi।

दिल्ली एनसीआरमध्ये वेळोवेळी भूकंप होतात, परंतु अनेकदा त्यांचे केंद्र दिल्लीपासून दूर असते, कधीकधी अफगाणिस्तानपर्यंत असते. दिल्ली भूकंपांना संवेदनशील असलेल्या झोन IV मध्ये येते. ही भारतातील दुसऱ्या क्रमांकाची भूकंपीयदृष्ट्या सक्रिय श्रेणी मानली जाते. यामुळे, राजधानीत नेहमीच सौम्य किंवा मध्यम तीव्रतेचे धक्के बसण्याची शक्यता असते.

 दिल्ली-एनसीआर आणि आसपासच्या भागात भूकंप झाल्यानंतर, सोशल मीडियावर वापरकर्त्यांच्या प्रतिक्रियांचा पाऊस पडला. अनेकांनी भीती व्यक्त केली, तर काहींनी विनोद आणि मीम्सद्वारे त्यांची भीती कमी केली.