Duleep Trophy 2024 :- पाच सप्टेंबर पासून सुरु होणाऱ्या दुलीप करंडक स्पर्धेत भारतीय संघातील वरिष्ठ खेळाडू देखील सहभागी होण्याची शक्यता आहे. कर्णधार रोहित शर्मा, विराट कोहली यांच्याबरोबरीने इतर खेळाडू देखील या स्पर्धेत खेळण्यासाठी उतरण्यासाठी सज्ज आहेत. याचबरोबरीने रिषभ पंत, के. एल. राहुल, शुभमन गिल, सूर्यकुमार यादव, रजत पाटीदार, यशस्वी जैस्वाल हे खेळाडूंच्या कामगिरीकडे देखील निवड समितीचे लक्ष असणार आहे. पाच ते १९ सप्टेंबर दरम्यान होणाऱ्या या स्पर्धेत चार संघाचा समावेश असून वरिष्ठ खेळाडूंमुळे युवा खेळाडूंना संधी मिळण्याची शक्यता कमी आहे.

आतापर्यंत कोणते खेळाडू कोणत्या संघाचे प्रतिनिधित्व करणार आहेत, हे अजून निश्चित झाले नाही. खेळाडूंच्या उपलब्धतेनुसार याची घोषणा करण्यात येणार आहे. सन २०१५ नंतर पहिल्यांदाच विराट कोहली या स्पर्धेत खेळताना दिसून येणार आहे. याचबरोबरीने कर्णधार रोहित शर्माने २०२० साली या स्पर्धेत सहभागी झाला होता. त्यानंतर यावर्षी तो स्पर्धेत उतरणार आहे. वरिष्ठ खेळाडू या हंगामात खेळणार असल्याने युवा खेळाडूंना याचा नश्चित फायदा होणार आहे.

यावर्षी दुलीप करंडकाच्य स्वरूपात बदल करण्यात आला आहे. यामध्ये ६ विभागांचे सहा संघ सहभागी होत होते. मात्र यावेळी निवडसमितीच्या सूचनेनुसार यामध्ये बदल करण्यात आला असून ही स्पर्धा यावर्षी केवळ चार संघात होणार आहे. यामध्ये भारत अ, भारत ब, भारत क, भारत ड या चार संघांचा समावेश आहे.

The Hundred League 2024 : बेन स्टोक्सला गंभीर दुखापत..! चक्क आधार घेत गेला मैदानाबाहेर, श्रीलंकेविरुद्धच्या कसोटी मालिकेत खेळण्यावर प्रश्नचिन्ह…

स्पर्धेचे वेळापत्रक पुढील प्रमाणे

सामना १ – ५ ते ८ सप्टेंबर : भारत अ विरुद्ध भारत ब
सामना २ – ५ ते ८ सप्टेंबर : भारत क विरुद्ध भारत ड
सामना ३ – १२ ते १५ सप्टेंबर : भारत अ विरुद्ध भारत ड
सामना ४ – १२ ते १५ सप्टेंबर : भारत क विरुद्ध भारत ब
सामना ५ – १९ ते २२ सप्टेंबर : भारत ब विरुद्ध भारत ड
सामना ६ – १९ ते २२ सप्टेंबर : भारत अ विरुद्ध भारत क