Buldhana News:  बुलढाणा जिल्ह्यात सलग 55 ते 60 दिवसांचा पावसाचा खंड आणि 29 ते 31 टक्के पावसाची तूट यामुळे खरिपातील सर्व पिके हातातून गेली आहेत. याचा थेट फटका दुधाळ जनावरांच्या चाऱ्यावर बसला असून हिरवा चारा पूर्णपणे संपला आहे. पशुपालक सध्या सुक्या चाऱ्यावर अवलंबून असल्याने दूध उत्पादनात निम्मेपेक्षा अधिक घट झाली आहे.

येत्या काळात चाराटंचाई भीषण होण्याची भीती आहे. मोताळा तालुक्यातील खरबडी येथे राहणारे पशुपालक शेतकरी अमोल किनगे यांच्याकडे 40 ते 45 जर्सी गाई आहेत पूर्वी दररोज 250 ते 300 लिटर दूध मिळत होते, आता ते केवळ १०० लिटरवर आले आहे. दोन महिने पुरेल इतकाच चारा साठा आहे. सरकारने गाईंसाठी चारा नियोजन करावे, अन्यथा गाई विकण्याशिवाय पर्याय राहणार नाही,” अशी व्यथा पशुपालक शेतकरी किनगे यांनी व्यक्त केली. पावसाच्या खंडामुळे चारा पिकेही नष्ट झाली आहेत.

जनावरांचे संगोपन कठीण झाले असून दूध उत्पादनात आणखी घट होण्याची शक्यता आहे. अनेक पशुपालक सरकारकडून तात्काळ चारा उपलब्ध करून देण्याची मागणी करत आहेत. अन्यथा जनावरांची विक्री हाच पर्याय उरेल. ही परिस्थिती संपूर्ण विदर्भासाठी इशारा असून प्रशासनाने तातडीने उपाययोजना कराव्यात, अशी शेतकऱ्यांची मागणी आहे.

दुहेरी संकटामुळे सिंधुदुर्गातील शेतकरी हवालदिल

तर दुसरीकडे, सिंधुदुर्गमध्ये आधी अतिवृष्टीचा तडाखा आणि आता पावसाने ओढ दिल्याने दुष्काळी परिस्थिती निर्माण झाली आहे. या दुहेरी संकटामुळे सिंधुदुर्गातील शेतकरी हवालदिल झाला आहे. पावसाअभावी भातशेतीचे मोठे नुकसान झाले असून, जनावरांच्या चाऱ्याचाही प्रश्न गंभीर बनला आहे.

गेल्या वर्षीच्या अतिवृष्टीची नुकसानभरपाई अद्याप मिळालेली नसताना यंदा पुन्हा संकट ओढावल्याने शेतकऱ्यांची चिंता वाढली आहे. प्रशासनाने थेट बांधावर जाऊन पाहणी करावी आणि तातडीने हेक्टरी आर्थिक मदत द्यावी, अशी मागणी शेतकऱ्यांकडून होत आहे.

ICC Cricket World Cup 2027 : क्रिकेट चाहत्यांसाठी मोठी बातमी! विश्वचषकाचं वेळापत्रक आज जाहीर होणार