Turkish oil tanker – रशियाहून कच्च्या तेलाची वाहतूक करणाऱ्या तुर्कीच्या ‘अल्टुरा’ या मालवाहू जहाजावर गुरुवारी पहाटे काळ्या समुद्रात नौदल ड्रोनद्वारे भीषण हल्ला करण्यात आला. बोस्पोरस सामुद्रधुनीच्या प्रवेशद्वाराजवळ झालेल्या या हल्ल्यात जहाजाच्या इंजिन रूम आणि ब्रिजचे मोठे नुकसान झाले आहे. सुदैवाने, जहाजावरील सर्व २७ तुर्की खलाशी या अपघातातून सुखरूप बचावले आहेत. तुर्कीचे परिवहन मंत्री अब्दुलकादिर उरालोग्लू यांनी माहिती दिली की, हे जहाज १,४०,००० टन कच्चे तेल घेऊन जात असताना बॉस्फोरसच्या उत्तरेला साधारण १४ सागरी मैलांवर हा स्फोट झाला. Turkish oil tanker oil tanker हा हल्ला एका मानवरहित सागरी जहाजाद्वारे अत्यंत नियोजनबद्ध पद्धतीने करण्यात आला होता. विशेषतः जहाजाला निकामी करण्याच्या उद्देशाने इंजिन रूमला लक्ष्य करण्यात आले होते. घटनेनंतर तुर्कीच्या किनारी सुरक्षा दलाने ‘नेने हातुन’ हे बचाव जहाज तात्काळ घटनास्थळी रवाना केले. ‘अल्टुरा’ हे जहाज रशियन तेलाची निर्यात करणाऱ्या ‘शॅडो फ्लीट’चा भाग असल्याचे मानले जाते. ‘ओपन सँक्शन्स’च्या अहवालानुसार, रशियन तेल व्यापारात सामील असल्यामुळे ऑक्टोबर २०२५ पासून या जहाजावर युरोपियन युनियनने निर्बंध लादले होते. नोव्हेंबर २०२५ पासून हे जहाज तुर्कीच्या पर्गामन मेरिटाइमच्या मालकीचे आहे, तर यापूर्वी त्याचे इराणशी देखील संबंध असल्याचे उघड झाले आहे. Turkish oil tanker या हल्ल्यामागे युक्रेनचा हात असल्याचा संशय व्यक्त केला जात असला तरी, तुर्की सरकारने अद्याप अधिकृतपणे कोणावरही ठपका ठेवलेला नाही. मात्र, यापूर्वी नोव्हेंबरमध्ये देखील अशाच प्रकारे रशियन जहाजांवर झालेल्या हल्ल्यांचा तुर्कीने निषेध केला होता. या ताज्या घटनेमुळे काळ्या समुद्रातील नौकानयन सुरक्षा आणि पर्यावरणीय धोक्याचा प्रश्न पुन्हा एकदा ऐरणीवर आला आहे.
