Dr. Deepak Kulkarni : सामाजिक कार्य आणि व्यसनमुक्ती क्षेत्रातील उल्लेखनीय योगदानाबद्दल उमेद फाउंडेशन व्यसनमुक्ती व पुनर्वसन केंद्राचे संस्थापक सचिव डॉ. दीपक सखाराम कुलकर्णी यांना ‘महाराष्ट्र गुणगौरव पुरस्कार’ प्रदान करण्यात आला. बी द चेंज फाउंडेशन, कोपरगाव यांच्या वतीने शिर्डी येथे हा सन्मान करण्यात आला.

व्यसनमुक्ती आणि पुनर्वसनाच्या माध्यमातून समाजातील अनेक व्यक्तींना नव्याने जीवन जगण्याची दिशा देण्यासाठी डॉ. कुलकर्णी कार्यरत आहेत. त्यांच्या या सामाजिक कार्याची दखल घेत त्यांना हा पुरस्कार देण्यात आला.

व्यसनमुक्ती ही केवळ व्यसनापासून दूर होण्याची प्रक्रिया नसून, व्यक्ती, कुटुंब आणि समाजाच्या भविष्यासाठी महत्त्वाचे पाऊल आहे. या क्षेत्रातील कार्याची दखल घेतल्याने उमेद फाउंडेशनच्या कार्यकर्त्यांमध्येही उत्साह निर्माण झाला आहे.

बी द चेंज फाउंडेशनने दिलेल्या या सन्मानाबद्दल उमेद फाउंडेशनच्या वतीने आभार व्यक्त करण्यात आले. डॉ. कुलकर्णी यांचे या पुरस्काराबद्दल अभिनंदन करण्यात आले असून, पुढील सेवाकार्यासाठी शुभेच्छा देण्यात आल्या.