Pune News : विश्वकर्मा ग्रुप ऑफ इन्स्टिट्यूट्स अँड युनिव्हर्सिटी, पुणेचे मुख्य कार्यकारी अधिकारी (सीईओ) डॉ. बिपिन सुळे यांना उच्च शिक्षण क्षेत्रातील उल्लेखनीय योगदानाबद्दल ‘वर्षातील अग्रगण्य उच्च शिक्षण धोरणतज्ज्ञ’ या पुरस्काराने सन्मानित करण्यात आले. (Pune News)

व्यावसायिक आणि व्यवस्थापन शिक्षण क्षेत्रात महत्त्वपूर्ण योगदान दिल्याबद्दल डॉ. सुळे यांना हा पुरस्कार प्रदान करण्यात आला. दिल्लीतील इंडियन इन्स्टिट्यूट ऑफ टेक्नॉलॉजी (आयआयटी दिल्ली) येथे आयोजित भव्य समारंभात लोकसभा सदस्य आणि संयुक्त राष्ट्रांचे माजी अंडर-सेक्रेटरी जनरल शशी थरूर यांच्या हस्ते डॉ. सुळे यांचा गौरव करण्यात आला. (Pune News)

उच्च शिक्षणाच्या क्षेत्रात धोरणात्मक योगदान देण्याबरोबरच व्यावसायिक आणि व्यवस्थापन शिक्षणाच्या विकासासाठी केलेल्या कार्याची दखल या पुरस्काराच्या माध्यमातून घेण्यात आली. डॉ. बिपिन सुळे यांच्या या सन्मानामुळे पुण्यातील विश्वकर्मा ग्रुप ऑफ इन्स्टिट्यूट्स अँड युनिव्हर्सिटीच्या शैक्षणिक क्षेत्रातील योगदानालाही राष्ट्रीय स्तरावर अधोरेखित करण्यात आले आहे. (Pune News)

Pune News : संगणकतज्ज्ञ डॉ. दीपक शिकारपूर यांचा महाराष्ट्र चेंबरतर्फे गौरव