Karnataka News – कर्नाटक विधानसभेबाहेर अनोखे निदर्शने सुरू आहे. कर्नाटकातील बेळगावी येथे सुरू असलेल्या विधानसभा अधिवेशनादरम्यान कर्नाटक दारू प्रेमी संघर्ष संघाच्या सदस्यांनी विधानसभेबाहेर आंदोलन करून कामगार मंत्री संतोष लाड यांना निवेदन दिले. कामगारमंत्र्यांना दिलेल्या या निवेदनात दारू प्रेमी संघर्ष संघाच्या सदस्यांनी विविध मागण्या केल्या आहेत.

दारू पिणाऱ्यांना ‘मद्यपी’ न म्हणता ‘दारूप्रेमी’ म्हणायला हवे, अशी दारू संघाच्या आंदोलकांची मागणी आहे. त्याचबरोबर 31 डिसेंबर हा अल्कोहोल लव्हर्स डे म्हणून घोषित करण्यात यावा. याशिवाय दारू पिऊन मृत्यूमुखी पडलेल्यांना 10 लाख रुपयांची भरपाई देण्याची मागणीही करण्यात आली आहे.

मद्यप्रेमींसाठी कामगार मंडळाच्या अंतर्गत कल्याण निधीची स्थापना करावी. वार्षिक उत्पन्नाच्या 10 टक्के रक्कम कल्याण निधीत वर्ग करावी. मद्यप्रेमींच्या मुलांना पेन्शन मिळावी. त्याचबरोबर मद्यप्रेमींच्या आजारपणात उपचाराचा खर्चही सरकारने उचलावा. अशाही मागण्या करण्यात आल्या आहे सध्या याची चर्चा सर्वत्र होत आहे.

शराबी संघाचे प्रदेशाध्यक्ष व्यंकटेश गौडा बोराहल्ली यांनी सांगितले की, ‘आम्ही वर्षभरापूर्वी संघटनेची स्थापना केली होती. असोसिएशनचे एकूण ३ ते ४ हजार सदस्य आहेत. आम्हाला दारुडे म्हणवून आमचा अपमान करण्यापेक्षा आम्हाला दारूप्रेमी म्हणायला हवे. सरकारला दारूपासून चांगला महसूल मिळतो, मात्र दारू पिणाऱ्यांच्या हिताकडे दुर्लक्ष केले जाते. आंदोलकांची मागणी आहे की लग्नासाठी प्रोत्साहन म्हणून 2 लाख रुपये वितरित केले जावे. दारूचे दर वाढवताना आमच्या संघटनेला विश्वासात घेतले पाहिजे. मद्यप्रेमींनी उत्पादन शुल्क अधिकाऱ्यांना एमआरपीच्या दरानुसार दारू विक्री करण्याच्या सूचना देण्याची मागणीही केली आहे.

कर्नाटकचे कामगार मंत्री संतोष लाड म्हणाले की, ‘आम्ही आमच्या विभागाकडून जे काही करता येईल ते करू. त्यांच्या मागण्या मी संबंधित मंत्र्यांच्या निदर्शनास आणून देईन. एमआरपीपेक्षा जास्त दराने विक्री करणाऱ्यांवर सरकार कारवाई करेल. कोणी जास्त दराने विक्री केल्यास त्याचा बारचा परवाना रद्द करू,’ दरम्यान, मद्यप्रिय संघर्ष समितीच्या वतीनं करण्यात आलेल्या मागण्यांची सध्या जोरदार चर्चा सुरू आहे.