Donald Trump : जगभरातील देशांना धक्क्यांवर धके देणाऱ्या अमेरिकेचे राष्ट्राध्यक्ष डोनाल्ड ट्रम्प यांच्यासाठी एक चिंताजनक बातमी समोर आली आहे. डोनाल्ड ट्रम्प यांची मुलगी इव्हांका ट्रम्प यांना जीवे मारण्याची धमकी देण्यात आली आहे. या प्रकरणी एफबीआयने मोठी कारवाई करत एका इराणी नागरिकाला अटक केली असल्याचे वृत्त आहे. ‘द न्यूयॉर्क पोस्ट’च्या वृत्तानुसार, इराणच्या इस्लामिक रिव्होल्यूशनरी गार्ड कॉर्प्स (IRGC) शी संबंध असल्याचा संशय असलेल्या मोहम्मद बाकेर साद दाऊद अल-सादी या 32 वर्षीय व्यक्तीवर इव्हांकाच्या हत्येचा कट रचल्याचा आरोप आहे. तपास यंत्रणांच्या माहितीनुसार, संशयिताकडे फ्लोरिडामधील इव्हांका ट्रम्प आणि त्यांचे पती जेरेड कुशनर यांच्या आलिशान घराचे नकाशे आणि सुरक्षा संबंधित माहिती आढळून आली आहे. त्याने सोशल मीडिया प्लॅटफॉर्म ‘एक्स’वर फ्लोरिडा परिसराचा नकाशा पोस्ट करत धमकीजनक संदेशही दिला होता. “फक्त सिक्रेट सर्व्हिस किंवा कडक सुरक्षा तुम्हाला वाचवू शकणार नाही. आम्ही सतत लक्ष ठेवून आहोत आणि योग्य वेळी सूड घेऊ,” असा अशा शब्दांत धमकी देण्यात आल्याचे सांगितले जात आहे. Donald Trump कोण आहे अल-सादी? (Donald Trump) अमेरिकन अधिकाऱ्यांच्या मते, अल-सादी हा कताइब हिजबुल्लाह या संघटनेचा वरिष्ठ सदस्य आहे. अमेरिकेने या संघटनेला परदेशी दहशतवादी संघटना म्हणून घोषित केले आहे. तपास यंत्रणांचा आरोप आहे की, गेल्या काही महिन्यांत त्याने युरोपमध्ये अमेरिकेशी संबंधित लक्ष्यांवर हल्ल्यांचे कट रचले होते. धमकीचे कारण काय? (Donald Trump) डोनाल्ड ट्रम्प यांच्या आदेशानुसार, इराणचे सर्वोच्च लष्करी कमांडर कासिम सुलेमानी यांना अमेरिकेच्या लष्काराने ठार केले होते. ही कारवाई सहा वर्षांपूर्वी बगदादमध्ये करण्यात आली होती. इवांका ट्रम्प यांच्या हत्येचा कट आखणारा दहशतवादी कमांडर कासिम सुलेमानी यांना गुरु मानत होता, अशी माहिती तपासात समोर आली आहे. Donald Trump : डोनाल्ड ट्रम्प यांच्या जीवाला धोका? मुलीला जीवे मारण्याची धमकी; जगभरात खळबळ दरम्यान, अमेरिका-इराण संबंधांवरील तणाव सुरूच आहे. या दरम्यान ट्रम्प यांच्या मुलीला थेट जीवे मारण्याची धमकी देण्यात आल्याने अमेरिकेच्या सुरक्षा यंत्रणा सतर्क झाल्या असून, या प्रकरणामुळे आंतरराष्ट्रीय स्तरावरही मोठी खळबळ उडाली आहे. हेही वाचा : Aishwarya Rai Bachchan: कान्समध्ये पुन्हा ऐश्वर्याची जादू! आराध्याच्या हटके लुकनेही वेधलं सगळ्यांचं लक्ष