Donald Trump |  अमेरिकेचे राष्ट्राध्यक्ष डोनाल्ड ट्रम्प सत्तेत आल्यापासून अनेक मोठे निर्णय घेत आहे. त्यांच्या या निर्णयामुळे जगातील इतर देशांवर अनेक परिणाम दिसण्याची  शक्यता आहे. त्यातच आता ट्रम्प आणखी एक मोठे पाऊल उचलणार आहेत. अमेरिकेचे राष्ट्राध्यक्ष डोनाल्ड ट्रम्प देशाची अधिकृत भाषा इंग्रजी करण्याच्या तयारीत आहेत. व्हाईट हाऊसने ट्रम्प यांच्या कार्यकारी आदेशात एक्सवर पोस्ट केली आहे.

त्यात म्हटले आहे की, आता इंग्रजीला देशाची अधिकृत भाषा म्हणून घोषित करण्याची वेळ आली आहे. हा निर्णय अंमलात आणण्यासाठी ट्रम्प लवकरच कार्यकारी आदेशावर स्वाक्षरी करण्याची तयारी करत आहेत. या आदेशामुळे सरकारकडून निधी मिळणाऱ्या सरकारी संस्था व संघटनांना इंग्रजीव्यतिरिक्त इतर भाषेत कागदपत्रे व सेवा देणे सुरू ठेवायचे किंवा नाही, याची निवड करता येणार असल्याचे व्हाइट हाउसच्या अधिकाऱ्याने सांगितले.

संसदेत अनेक विधयके मांडली

इंग्रजीला राष्ट्रभाषा म्हणून मंजुरी मिळाल्यास एकात्मतेसोबत सरकारी कामकाजातील कार्यक्षमता, तसेच नागरी सहभाग वाढण्यासाठी देखील मदत होणार असल्याचे व्हाइट हाउसने स्पष्ट केले. अमेरिकेतील ३० हून अधिक राज्यांनी इंग्रजीला अधिकृत भाषा म्हणून मंजुरी देण्याचा कायदा पारित केला आहे. अमेरिकेची अधिकृत भाषा इंग्रजी करण्यात यावी, यासाठी संसदेत अनेक विधयके मांडली. मात्र, ती पारित होऊ शकली नाहीत.  Donald Trump |

व्हाईट हाऊसने सांगितले की अमेरिकेत 350 हून अधिक भाषा बोलल्या जातात. आमच्या प्रजासत्ताकाच्या स्थापनेपासून इंग्रजी ही देशाची भाषा आहे. आमची ऐतिहासिक राज्यकर्त्यांची कागदपत्रे, स्वातंत्र्य आणि घटनेची घोषणा देखील इंग्रजीमध्ये लिहिली गेली आहे. अमेरिकन सरकारच्या 2019 च्या नोंदीनुसार, देशातील 6.8 कोटी पेक्षा जास्त लोक इंग्रजी व्यतिरिक्त भाषा बोलतात. चार कोटीहून अधिक लोक स्पॅनिशमध्ये बोलतात. इंग्रजी ही बहुसंख्य भाषा आहे. म्हणून, इंग्रजीचा प्रभाव येथे अधिक मानला जातो.  Donald Trump |

हेही वाचा : 

‘भाजपचा बॉस हिंदू नाहीये का?’, मोहन भागवतांचे नाव घेत शिंदेंच्या ‘त्या’ टीकेला राऊतांचे जोरदार प्रत्युत्तर