Donald Trump-Georgia Maloney । इटलीच्या पंतप्रधान जॉर्जिया मेलोनी सध्या अमेरिकेच्या दौऱ्यावर आहेत. त्यांनी याठिकाणी  व्हाईट हाऊसमध्ये राष्ट्राध्यक्ष डोनाल्ड ट्रम्प यांची भेट घेतली. शुल्क लागू झाल्यानंतर अमेरिकेला भेट देणाऱ्या आणि ट्रम्प यांना भेटणाऱ्या  मेलोनी या  पहिल्या युरोपीय नेत्या  आहेत. दरम्यान, ट्रम्प यांनी मेलोनीचे मनापासून कौतुक केले.

व्हाईट हाऊसमध्ये माध्यमांशी  बोलताना ट्रम्प यांनी, “मला मेलोनी खूप आवडतात, माझ्या मते त्या एक अद्भुत पंतप्रधान आहेत आणि इटलीमध्ये त्या उत्तम काम करत आहेत.” असे म्हणत त्यांच्यावर कौतुकाचा वर्षाव केला.

ट्रम्प यांनी मेलोनीच्या कौतुकात गाणी वाचली Donald Trump-Georgia Maloney । 

पुढे बोलताना ट्रम्प यांनी,मेलोनीमध्ये अद्भुत प्रतिभा आहे. त्या जगातील सर्वोत्तम नेत्यांपैकी एक आहेत, त्याचे व्यक्तिमत्व करिष्माई आहे आणि त्याच्यासारखे जगात कोणीही नाही. आमचे संबंध खूप चांगले आहेत आणि दोन्ही देश एकत्रितपणे पुढे जात आहेत.” असे ते म्हणाले. राष्ट्राध्यक्ष ट्रम्प यांनी मेलोनी यांचे वर्णन एक महान पंतप्रधान म्हणून केले आहे. त्यांनी संपूर्ण युरोपमध्ये खळबळ उडवून दिल्याचे म्हटले आहे. मी त्यांना सुरुवातीपासून ओळखतो आणि नेहमीच असा विश्वास ठेवतो की त्याच्याकडे अद्भुत प्रतिभा आहे.” असेही त्यांनी म्हटले.

मेलोनी-ट्रम्प यांनी व्यापार मुद्द्यांवर चर्चा Donald Trump-Georgia Maloney । 

व्हाईट हाऊसमध्ये, मेलोनी आणि ट्रम्प यांनी व्यापार, शुल्कापासून ते इमिग्रेशन आणि पाश्चात्य राष्ट्रवादापर्यंतच्या मुद्द्यांवरही चर्चा केली. यावेळी ट्रम्प म्हणाले की, त्यांना घाईघाईत व्यावसायिक करार करायचे नाहीत. अमेरिकेला या शुल्काचा मोठा फायदा होत आहे. तथापि, यावेळी ट्रम्प यांनी युरोपियन युनियनसोबत करार करण्याचे संकेतही दिले. यावेळी मेलोनी म्हणाले की, इटालियन कंपन्या अमेरिकेत १० अब्ज युरोची गुंतवणूक करतील आणि इटली अमेरिकेतून ऊर्जा आयात वाढवेल.

२० जानेवारी रोजी ट्रम्प यांच्या शपथविधी सोहळ्याला उपस्थित राहण्यासाठी आमंत्रित केलेले मेलोनी हे एकमेव युरोपीय नेते होते. मेलोनी आणि ट्रम्प यांचे अनेक मुद्द्यांवर समान विचार आहेत. इमिग्रेशनपासून ते तस्करीपर्यंतच्या समस्या हाताळताना दोघेही सारखेच विचार करतात.

हेही वाचा
भारतीय वंशाच्या संशोधकांनी शोधलं एलियन्सचं घर? ; संशोधनानंतर केला ‘हा’ दावा