Donald Trump – Elon Musk । मागच्या आठवड्यात अमेरिकेचे राष्ट्राध्यक्ष डोनाल्ड ट्रम्प आणि अब्जाधीश उद्योगपती एलॉन मस्क यांच्यात शाब्दिक युद्ध सुरू झाले. दोघांमधील वाद नेमका कुठपर्यंत जाणार यावर चर्चा होत असतानाच आता  एलॉन मस्कने एक पोस्ट केली आहे. यामध्ये त्यांना उपरती झाल्याचे दिसत आहे. आपल्या पोस्टमध्ये त्यांनी,”गेल्या आठवड्यातील माझ्या काही पोस्टसाठी मी माफी मागतो, कारण त्या थोड्या जास्त होत्या.” असे म्हटले आहे.

वादाचे कारण काय होते? Donald Trump – Elon Musk ।  

मस्क यांनी डिपार्टमेंट ऑफ गव्हर्नमेंट एफिशियन्सी (DOGE) च्या प्रमुख पदाचा राजीनामा दिल्यानंतर एलॉन मस्क आणि ट्रम्प यांच्यातील वाद आणखी वाढला. यानंतर, मस्क यांनी ट्रम्प यांच्या खर्च आणि कर कपात विधेयकावर जोरदार टीका केली, ज्याला ट्रम्प ‘वन बिग ब्युटीफुल बिल’ म्हणत आहेत. यावर ट्रम्प यांनी मस्कला उत्तर दिले की त्यांनी एलॉनला या विधेयकाबद्दल, विशेषतः इलेक्ट्रिक वाहन (EV) अनुदानात कपात करण्याबद्दल सांगितले होते, परंतु एलॉन मस्क यांनी सोशल मीडियावर प्रत्युत्तर देत म्हटले की हे विधेयक त्यांना कधीही दाखवले गेले नाही.

एवढेच नाही तर मस्कने ट्रम्प यांच्या महाभियोगाला पाठिंबा देणारी एक्स वर एक पोस्ट पोस्ट केली होती, जरी नंतर त्याने ती पोस्ट डिलीट केली. हे प्रकरण इतके वाढले की एलॉनने ट्रम्पचे जेफ्री एपस्टाईनशी असलेले जुने संबंधही नमूद केले, ज्याला ट्रम्पने जुना आणि खोटा मुद्दा म्हणून वर्णन केले.

सरकारी कंत्राटे आणि अनुदाने संपवण्याची धमकी

एलॉन मस्कसोबतचा वाद वाढत असताना, ट्रम्प यांनी उघडपणे धमकी दिली की ते मस्कच्या कंपन्यांसोबत, विशेषतः स्पेसएक्ससोबतचे सरकारी करार आणि अनुदाने संपवण्याचा विचार करू शकतात. ट्रम्प म्हणाले की, मला वाटते एलॉन खूप दुःखी आणि निराश आहे. एनबीसी न्यूजला दिलेल्या मुलाखतीत ट्रम्प यांनी असेही म्हटले की, “मला वाटते की आमचे नाते आता संपले आहे.”

I regret some of my posts about President @realDonaldTrump last week. They went too far.

— Elon Musk (@elonmusk) June 11, 2025

‘मस्कने डेमोक्रॅट्सना निधी देऊ नये’ Donald Trump – Elon Musk ।  

ट्रम्प यांनी मस्क यांना धमकीही दिली की जर एलॉन मस्कने डेमोक्रॅटिक उमेदवारांना, विशेषतः जे रिपब्लिकन पक्षाच्या कर विधेयकाला विरोध करत आहेत, त्यांना निधी दिला तर त्याचे गंभीर परिणाम होतील. मात्र, त्याचे परिणाम काय होतील हे ट्रम्प यांनी स्पष्ट केले नाही.

मस्कचा ट्रम्पशी काय संबंध आहे?

डोनाल्ड ट्रम्प सरकारच्या खर्च आणि कर कपात विधेयकात इलेक्ट्रिक वाहनांच्या खरेदीवरील कर सवलती रद्द करण्याचा प्रस्ताव आहे. अमेरिकेतील मागील बायडेन प्रशासन नवीन ईव्ही खरेदीवर $७,५०० ची कर सवलत देत असे. ट्रम्प ते संपवणार आहेत. या विधेयकात अशी तरतूद आहे की २००९ ते २०२५ दरम्यान दोन लाख ईव्ही विकलेल्या कंपन्यांना सूट मिळणार नाही. हा एलोन मस्कच्या टेस्लाला थेट धक्का आहे.

दुसरे कारण म्हणजे एलॉन मस्क यांना त्यांचे विश्वासू जेरेड आयझॅकमन यांना अमेरिकन अंतराळ संस्था नासाचे प्रशासक म्हणून नियुक्त करायचे होते, परंतु ट्रम्प यांनी त्यांच्या शिफारशीकडे दुर्लक्ष केले. मस्कचा असा विश्वास होता की जर इसाकमन नासाचे प्रशासक झाले तर त्याचा फायदा त्यांच्या कंपनी स्पेसएक्सलाही होईल.