Navratri Utsav Garba | येत्या २२ सप्टेंबरपासून नवरात्रोत्सव सुरू होणार आहे. यावर आता विश्व हिंदू परिषदेने (विहिंप) नवरात्रोत्सवात गरबा फक्त हिंदूसाठी असून मुस्लीमांना प्रवेश देऊ नका, अशी भूमिका मांडली आहे. गरबा मंडपात प्रवेश करणारी व्यक्ती हिंदूच आहे, याची खात्री करण्यासाठी तिचे आधारकार्ड तपासा आणि प्रत्येकाला टिळा लावा, असे विहिंपकडून सांगण्यात आले आहे.

विश्व हिंदू परिषदेने नागपुरातील गरबा आयोजकांना याबाबतच्या सूचना दिल्या आहेत. मुस्लीम तरुण गरब्यात आल्यास त्याला  पोलीसांच्या ताब्यात देऊ, अशी भूमिका विहिंपकडून घेण्यात आली आहे. यावर बजरंग दल आणि विहिपचे कार्यकर्ते असणार यावर लक्ष ठेवून असणार आहेत.

नागपूरशिवाय मध्यप्रदेशमधील काही भागातही अशाच प्रकारच्या सूचना देण्यात आल्या आहेत. गरबा कार्यक्रमात कोणत्याही प्रकारची अश्लील किंवा असभ्य गाणी वाजवू नयेत. सर्वांनी गरबा कार्यक्रमात हिंदू संस्कृतीनुसारच वेशभूषा परिधान करून सहभागी व्हावे. आधार कार्ड तपासणी करून आणि टिळा लावूनच गरबासाठी प्रवेश देण्यात येईल. Navratri Utsav Garba |

‘लव्ह जिहाद’ पसरविला जात असल्याचा आरोप 

दरम्यान, विहिंपने दोन वर्षांपूर्वी गरबा-दांडियाच्या मंडपात इतर धर्मीयांना प्रवेश देण्यास विरोध दर्शविला होता. धार्मिक आयोजनाचा फायदा घेत ‘लव्ह जिहाद’ पसरविला जातो, असा आरोप त्यांच्याकडून केला जात होता. संघटनेच्या कार्यकर्त्यांकडून काही ठिकाणी उपस्थित राहून हे अभियान राबविले होते. यंदाही विहिंप आपल्या भूमिकेवर ठाम आहे.

हेही वाचा :  

Box office collection: ‘जॉली एलएलबी 3’ची धमाकेदार सुरुवात; ‘अजेय’ आणि ‘निशानची’चा बॉक्स ऑफिसवर कमी प्रतिसाद