Divyanka Tripathi :  टीव्ही अभिनेत्री दिव्यांका त्रिपाठी आणि तिचा पती विवेक दहिया यांनी लग्नाच्या १० वर्षानंतर जून २०२६ मध्ये जुळ्या मुलांचे स्वागत केले होते. आता अखेर या जोडीने आपल्या दोन्ही मुलांच्या नावाचा खुलासा केला आहे. मुलांच्या जन्माच्या पाच महिन्यांनंतर दिव्यांका आणि विवेकने त्यांची नावे जाहीर केली.

मुलांच्या जन्मापासून हे जोडपे आपल्या जुळ्या मुलांना ‘टी1’ (T1) आणि ‘टी2’ (T2) अशी हाक मारत होते. त्यानंतर आता दिव्यांका आणि विवेक यांनी त्यांच्या यूट्यूब चॅनेलवर एक व्लॉग शेअर केला, ज्यामध्ये त्यांनी आपल्या कुटुंबातील सदस्यांसमोर एक टास्क आयोजित केला होता.

त्यात काही क्लू दिले होते त्या आधारे त्यांच्या जुळ्या मुलांची नावे उघड करायची होती. जेव्हा विवेकच्या वडिलांनी एक क्लू सोडवला, तेव्हा दिव्यांकाने यूट्यूबवरील आपल्या चाहत्यांसमोर मुलांची नावे जाहीर केली.

मुलांची नाव सांगताना दिव्यांका म्हणाली, “तर, आता वेळ आली आहे T1 चे नाव उघड करण्याची T1 चे नाव ‘दैविक’ आहे आणि T2 चे नाव ‘वैद्विक’आहे.” दिव्यांकाने आपल्या जुळ्या मुलांची नावे निवडण्यामागचे कारण आणि त्यांचे अर्थ स्पष्ट केले.

‘दैविक’ आणि ‘वैदविक’चा अर्थ –

‘दैविक’ या नावाविषयी बोलताना अभिनेत्रीने सांगितले की, त्यांचा पहिला मुलगा अगदी विवेकसारखाच आहे. जन्मापासूनच दैविकची पकड खूप मजबूत होती. तो तिची बोटे खूप घट्ट पकडायचा. यासोबतच दैविकच्या चेहऱ्यात आणि शारीरिक बांध्यात तिचीही काही झलक पाहायला मिळते.

तर दुसऱ्या मुलाबाबत दिव्यांकाने सांगितले की, वैदविक जन्माच्या वेळी त्याच्या भावाच्या तुलनेत थोडा अशक्त होता. ‘वैद’चा अर्थ निरोगी करणारा आणि ‘द्विक’चा अर्थ दुप्पट असा होतो. या नावाचा अर्थ असा व्यक्ती आहे जो स्वतःला दुप्पट वेगाने बरे करू शकतो.

दिव्यांका आणि विवेक सध्या ‘पती पत्नी और पंगा’ या शोच्या सीजन २ मध्ये पाहायला मिळत आहेत. नुकत्याच झालेल्या एका एपिसोडमध्ये ते त्यांच्या जुळ्या मुलांनासुद्धा तिथे घेऊन गेले होते.

हेही वाचा : 

Sanjay Raut : ‘सैनिकांसोबत दिवाळी साजरी केल्याने…’; संजय राऊतांची PM मोदींवर बोचरी टीका