Santosh Bangar : छत्रपती संभाजीनगर शहरातील एका खाजगी धर्मादाय रुग्णालयामध्ये डेंग्यूने त्रस्त असलेली एक अल्पवयीन मुलगी दहा दिवस उपचार घेत होती. या अल्पवयीन मुलीच्या दहा दिवसांच्या उपचारासाठी तब्बल सहा लाख रुपयांचे बिल रुग्णालयाने दिले. या प्रकाराची माहिती शिंदे गटाचे आमदार संतोष बांगर यांना मिळाली. बांगर यांनी तातडीने हस्तक्षेप करून रुग्णालयातील डॉक्टरला चांगलाच झापले. या संपूर्ण प्रकरणात आमदार बांगर आणि डॉक्टर यांच्यातील संवाद सध्या तुफान व्हायरल होत आहे. आमदार संतोष बांगर म्हणाले, डेंग्यू झालेल्या रुग्णाला सहा लाखांचे बिल पाठवले, त्याला काय अमृत पाजले का? रुग्णाची परिस्थिती कशीही असो, पण सहा लाखांचे बिल देऊन त्यांना लुटू नका, असा इशारा बांगर यांनी दिला. आमदार बांगर आणि डॉक्टर यांच्यातील संवाद काय? हिंगोली जिल्ह्यातील आदिती माणिकराव सरकटे या मुलीला डेंग्यू झाला होता. तिच्या प्रकृतीची गंभीरता लक्षात घेता, तिला छत्रपती संभाजीनगर येथील एका खाजगी रुग्णालयात दाखल करण्यात आले होते. उपचारासाठी रुग्णालय प्रशासनाने तब्बल तीन लाख रुपयांचे औषधं मागवली. प्रकृती सुधारल्यानंतर रुग्णालयाने आणखी २ लाख ८५ हजार रुपयांचे बिल दिले. त्यातील १ लाख ८० हजार रुपये आधीच भरले गेले होते. मात्र त्यानंतर पुन्हा ८५ हजार रुपयांची मागणी करण्यात आली, जी रुग्णाच्या कुटुंबीयांसाठी कठीण होती. त्यामुळे शेवटी रुग्णाच्या कुटुंबीयांनी आमदार संतोष बांगर यांच्याशी संपर्क साधला. त्यांनी लगेच रुग्णालयातील डॉक्टरांशी फोनवर संवाद साधत परिस्थितीची चौकशी केली. डेंग्यूच्या रुग्णाला एवढे बिल कसे काय? असा प्रश्न करत संतोष बांगर यांनी डॉक्टरांना चांगलेच झापले. सहा लाखांचे बिल केले, तुम्ही रुग्णाला काय अमृत पाजला का? असा प्रश्नही त्यांनी यावेळी विचारला. रुग्णाला तीन लाखांचे मेडिकल बिल आणि दोन लाख ८५ हजारांची फी लावण्यात आली आहे. त्यांनी एक लाख ८० हजारांचे बिल भरल. डेंग्यूच्या रुग्णाला एवढे बिल लावतात का ? त्यावर डॉक्टरांनी सांगितले की. रुग्ण भरती झाला त्यावेळी गंभीर होता.
