Diana Penty: कान्स फिल्म फेस्टिव्हल २०२६ मध्ये भारतीय कलाकारांचा ग्लॅमरस अंदाज सतत चर्चेत आहे. आलिया भट्ट, हुमा कुरेशी आणि अदिती राव हैदरी यांच्यानंतर आता अभिनेत्री डायना पेंटी हिनेही आपल्या पारंपरिक लूकने सगळ्यांचं लक्ष वेधून घेतलं आहे. कान्समधील तिच्या खास साडी लूकची सध्या सोशल मीडियावर जोरदार चर्चा रंगली आहे. डायना पेंटीने कान्स फिल्म फेस्टिव्हलमध्ये भारत पॅव्हेलियनमध्ये आयोजित चर्चासत्रात सहभाग घेतला. या खास कार्यक्रमासाठी तिने भारतीय पारंपरिक पोशाखाची निवड केली. तिने प्रसिद्ध फॅशन डिझायनर मनीष मल्होत्रा यांनी डिझाइन केलेली गोल्डन रंगाची आकर्षक साडी परिधान केली होती. या साडीत डायना अतिशय देखणी आणि राजेशाही अंदाजात दिसत होती. Diana Penty डायनाची ही साडी साधी नसून अत्यंत वेगळ्या पद्धतीने ड्रेप करण्यात आली होती. पारंपरिक साडीला मॉडर्न टच देण्यासाठी तिने त्यासोबत गोल्डन जॅकेटही परिधान केलं होतं. त्यामुळे तिचा संपूर्ण लूक अधिक उठून दिसत होता. या हटके स्टाइलमुळे चाहत्यांनी तिच्या फॅशन सेन्सचं भरभरून कौतुक केलं. (Diana Penty) Diana Penty या लूकला अधिक आकर्षक बनवण्यासाठी डायनाने स्मोकी आय मेकअप केला होता. गोल्डन साडी, स्टायलिश जॅकेट आणि ग्लॅमरस मेकअपमुळे ती एखाद्या अप्सरेसारखी दिसत होती. सोशल मीडियावर तिच्या फोटोंना मोठ्या प्रमाणात पसंती मिळत आहे. (Diana Penty) Diana Penty डायनाच्या या लूकवर डिझायनर मनीष मल्होत्रा यांनीही प्रतिक्रिया दिली. त्यांनी कमेंट सेक्शनमध्ये हार्ट इमोजी पोस्ट करून तिच्या लूकचं कौतुक केलं. तसेच मेकअप आर्टिस्ट शान मुत्ताथिल यांनीही डायनाच्या स्टाइलचं विशेष कौतुक केलं आहे. Diana Penty डायना पेंटीने आपल्या पोस्टच्या कॅप्शनमध्येही खास संदेश लिहिला. ती म्हणाली की, “भारत पॅव्हेलियनमध्ये मनीष मल्होत्रांनी डिझाइन केलेली खास साडी परिधान केली आहे. भारतात गोल्डन रंग हा फक्त एक रंग नसून त्याला सांस्कृतिक महत्त्व आहे.” तिच्या या विचारांनाही चाहत्यांनी चांगला प्रतिसाद दिला. Diana Penty दरम्यान, कान्स फिल्म फेस्टिव्हलमध्ये डायना पेंटीने ‘इंटरनॅशनल फिल्म फेस्टिव्हल ऑफ इंडिया’च्या कार्यक्रमातही सहभाग घेतला. यावेळी तिच्यासोबत दिग्दर्शक आशुतोष गोवारीकर उपस्थित होते. डायनाने त्यांच्यासोबतचे काही फोटोही सोशल मीडियावर शेअर केले आहेत. Diana Penty कान्स २०२६ मध्ये भारतीय अभिनेत्रींचे पारंपरिक आणि ग्लॅमरस लूक सतत चर्चेत असताना, डायना पेंटीने आपल्या हटके साडी स्टाइलने एक वेगळी छाप पाडली आहे.
