Dia Mirza :  अभिनेत्री दिया मिर्झा हिने अलिकडेच दिवाळी सणानिमित्त जनजागृती करणारी पोस्ट शेअर केली होती. दिवाळीत फटाके फोडणे टाळा आणि ध्वनिप्रदूषण रोखा, असे आवाहन करणारा दिया मिर्झाचा व्हिडिओ बीएमसीकडून शेअर करण्यात आला होता.

मात्र तिच्या या व्हिडिओवर भाजपचे मुंबई अध्यक्ष अमित साटम यांनी नाराजी व्यक्त केली आहे. तिच्या व्हिडीओवरून राजकीय वातावरण तापलं आणि मुंबई महापालिकेने हा व्हिडीओ डिलीट केला आहे.

@mybmc We don’t need lessons on how to celebrate #Diwali from @deespeak Our traditions are deeply rooted in our culture.

— Ameet Satam (@AmeetSatam) November 1, 2026

भाजपचे मुंबई अध्यक्ष अमित साटम यांनी सोशल मीडिया प्लॅटफॉर्म ‘एक्स’वर, ‘दिवाळी कशी साजरी करावी याचे धडे आम्हाला दिया मिर्झाकडून नको. आमच्या परंपरा आणि संस्कृती खोलवर रुजलेल्या आहेत,’ अशी भूमिका मांडली.

बीएमसीने घेतलेल्या भूमिकेची चर्चा

त्यानंतर दिया मिर्झाचा व्हिडिओ बीएमसीच्या सोशल मीडिया पेजवरून हटवण्यात आला. विशेष म्हणजे अभिनेत्री माधुरी दीक्षित, निशिगंधा वाड आणि क्रिकेटपटू अजिंक्य रहाणे यांचेही दिवाळी जनजागृतीचे व्हिडिओ या मोहिमेत आहेत. मात्र त्यांचे व्हिडिओ अद्याप सोशल मीडिया पेजवर कायम आहेत. त्यामुळे भाजपच्या आक्षेपानंतर बीएमसीने घेतलेल्या या भूमिकेची चर्चा सुरू झाली आहे.

व्हिडीओ डिलीट केल्यानंतर दिया मिर्झाची पोस्ट चर्चेत 

व्हिडीओ डिलिट झाल्यानंतर दिया मिर्झाने आपल्या अधिकृत सोशल मिडीया अकाऊंटवरुन एक कमेंट शेअर केली आहे. या कमेंटची विशेष चर्चा होत आहे.

‘कोणतेही पैसे घेतलेले नाहीत. आता तर चांगुलपणाचा जमनाच राहिला नाही’, असं तिने आपल्या कमेंटमध्ये म्हटलं आहे. व्हिडिओ डिलीट केल्यानंतर दिया मिर्झाने सोशल मीडियावर केलेली कमेंट चर्चेचा विषय ठरत आहे.

हेही वाचा: 

Intentional Love: महागड्या भेटवस्तू नव्हे, तर ‘या’ ७ छोट्या गोष्टी सांगतात पार्टनरचं तुमच्यावर खरं प्रेम आहे की नाही!