वी दिल्ली – भारताचा अष्टपैलू फलंदाज, माजी कर्णधार, यष्टीरक्षक अशी ओळख असलेल्या ‘महेंद्रसिंग धोनी’ने काही वर्षांपूर्वीच आंतरराष्ट्रीय क्रिकेटमधून निवृत्ती घेतली आहे. 15 आॅगस्ट 2020 रोजी इंस्टाग्रामवर आंतरराष्ट्रीय क्रिकेटमधून निवृत्तीची घेत असल्याची घोषणा धोनीने केली होती. तेव्हा पासून धोनी टीम इंडियाच्या जर्सीमध्ये दिसला नाही. महेंद्र सिंग धोनी एकदिवसीय विश्वकरंडक 2019 च्या सेमी फायनलमध्ये न्यूझीलंडविरुद्ध शेवटची मॅच खेळला होता. मात्र, असं असलं तरी धोनी आयपीएल खेळत राहणार आहे. धोनीने आंतरराष्ट्रीय क्रिकेटला अलविदा केला आहे, पण तरीही त्याचे वलय मात्र कमी झालेले नाही. नुकतंच 2 एप्रिल रोजी भारताच्या एकदिवसीय विश्वचषक विजयाला 12 वर्षे पूर्ण झाली. 2 एप्रिल 2010 रोजी भारताने मुंबईतील वानखेडे येथे श्रीलंकेचा पराभव करून विश्वचषक ट्रॉफी जिंकली होती. यावेळी महेंद्रसिंग धोनीने जबरदस्त असा षटकार मारून भारताला विजय मिळून दिला होता. आज देखील क्रिकेट प्रेमींना धोनीचा हा षटकार लक्षात आहे. नुवान कुलसेकराच्या चेंडूवर धोनीने हा षटकार लगावला होता. दरम्यान, आता महेंद्रसिंग धोनीच्या शिरपेचात आणखी एक मानाचा तुरा रोवला जाणार आहे. आता तब्बल 12 वर्षांनंतर मुंबई क्रिकेट असोसिएशनच्या (एमसीए) अध्यक्षांनी मोठा निर्णय घेतला आहे. वास्तविक धोनीने षटकार मारून भारताला विजय मिळवून दिला होता. आता एमसीए अध्यक्षांनी ज्या जागेवर चेंडू पडला त्या जागेला धोनीचे नाव देण्याचा निर्णय घेतला आहे. स्टेडियमच्या आतील सीटला एमएस धोनीचे नाव देण्याचा निर्णय घेतला. आम्ही एमएस धोनीला उद्घाटनासाठी स्टेडियममध्ये येण्याची विनंती करू, जिथे त्याला स्मृतीचिन्ह देखील प्रदान केले जाईल. असं देखील एमसीए अध्यक्षांनी सांगितलं आहे.
