नवी दिल्ली – पंडित धीरेंद्र शास्त्री यांच्या बागेश्वर धाममध्ये मंगळवारी एका व्यक्तीला अवैध शस्त्रासह पकडण्यात आल्याने खळबळ उडाली होती. आरोपींकडून एक कट्टा आणि जिवंत काडतुसे जप्त करण्यात आली आहेत. हे वृत्त समोर येताच एकच खळबळ उडाली. ही व्यक्ती काही घातपातासाठी आल्याचा संशय व्यक्त केला जात आहे. पोलिस आरोपींची चौकशी करत असले तरी. रज्जन खान असे या तरुणाचे नाव असून तो शिवपुरी जिल्ह्यातील रहिवासी आहे. मिळालेल्या माहितीनुसार, बागेश्वर धामच्या परिक्रमा मार्गाजवळ एक संशयित तरुण दिसला. संशयिताची माहिती पोलिसांना देण्यात आली. पोलिसांनी तरुणाला पकडून त्याची झडती घेतली असता त्यांना धक्काच बसला. झडतीदरम्यान आरोपीकडून एक पिस्तूल जप्त करण्यात आले. पोलिसांनी आरोपीकडे चौकशी केली असता त्याने आपले नाव रज्जन खान असल्याचे सांगितले. आरोपी गधा गावाजवळ महामार्गावर उतरला होता आणि तेवढ्यात पोलीस आले. पोलिसांना पाहून तो बागेश्वरधामच्या दिशेने धावला, मात्र पोलिसांनी त्याला परिक्रमा मार्गाजवळ पकडले. पोलिसांनी चौकशी केल्यानंतर आरोपीला न्यायालयात हजर केले. पोलीस तरुणाची चौकशी करत आहेत.
