Raanjhanaa Movie | जुन्या चित्रपटांना पुन्हा एकदा प्रेक्षकांची पसंती मिळत आहे. मागील काही दिवसांपासून 90च्या दशकातील चित्रपट पुन्हा एकदा चित्रपटगृहात प्रदर्शित होत आहे. अभिनेता धनुष आणि बॉलिवूड अभिनेत्री सोनम कपूरचा ‘रांझणा’ हा सिनेमा 2013 मध्ये प्रदर्शित झाला होता. हा चित्रपट प्रदर्शित होऊन १२ वर्ष पूर्ण झाली आहे. मात्र आजही या चित्रपटाची क्रेझ पाहायला मिळते. आनंद एल. राय दिग्दर्शित रांझणा या रोमॅन्टिक चित्रपटाला बॉक्स ऑफिसवर मोठे यश मिळालं होतं. यातच आता बॉक्स ऑफिसवर प्रचंड गाजलेला हा चित्रपट लवकरच पुन्हा एकदा थिएटरमध्ये प्रदर्शित केला जाणार आहे. मीडिया रिपोर्टनुसार, ‘रांझणा’ हा रोमॅन्टिक सिनेमा येत्या २८ फेब्रुवारीला रि-रिलीज करण्यात येणार असल्याचं सांगितलं जात आहे. ‘रांझणा’ हा सिनेमा एका प्रेमकथेवर आधारित आहे. या चित्रपटामध्ये अभिनेता धनुषसह अभय देओल, सोनम कपूर, स्वरा भास्कर, झीशान अय्युब या कलाकारांनी भूमिका साकारल्या होत्या. दिल्ली आणि वाराणसीमध्ये या चित्रपटाचे चित्रीकरण झाले आहे. आता पुन्हा एकदा हा चित्रपट मोठ्या पडद्यावर पाहण्यासाठी चाहतेही उत्सुक आहेत. हेही वाचा: John Abraham : पठाणचा प्रीक्वल येणार? जॅान अब्राहमने दिली हिंट; डिप्लोमॅट चित्रपटाच्या प्रमोशन दरम्यान म्हणाला….
