Devendra Fadnavis : नीट पेपरफुटीवरून राज्यातील विविध भागांत झालेल्या आंदोलनांमध्ये सहभागी असलेल्या निदर्शकांविरुद्ध पोलिसांनी दाखल केलेले गुन्हे मागे घेण्याचे निर्देश मुख्यमंत्री देवेंद्र फडणवीस (Devendra Fadnavis) यांनी गृह विभागाला दिले आहेत.

गेल्या आठवड्यात मुंबई, पुणे आणि नागपूरमध्ये सर्वाधिक निदर्शने झाली. नीट पेपरफुटीविरोधात दिल्लीतील जंतर-मंतर येथे कॉक्रोच जनता पार्टीच्या नेतृत्वाखाली झालेल्या आंदोलनाला आणि आंदोलकांवर पोलिसांनी केलेल्या कारवाईला (Devendra Fadnavis) पाठिंबा देण्यासाठी ही निदर्शने करण्यात आली होती. या निदर्शनांबाबत दाखल झालेले गुन्हे हे बेकायदेशीर जमाव जमवण्याशी संबंधित होते.

मुख्यमंत्री देवेंद्र फडणवीस (Devendra Fadnavis) यांनी राज्यातील निदर्शकांविरुद्ध पोलिसांनी दाखल केलेले गुन्हे मागे घेण्यास विभागाला सांगितले आहे. मे महिन्यात झालेली नीट पेपरफुटी आणि शिक्षण क्षेत्रातील सुधारणांच्या मागणीसाठी तत्कालीन केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करत राज्यातील विविध भागांत मोठ्या संख्येने विद्यार्थी, तरुण आणि कार्यकर्त्यांनी निदर्शने केली होती.

यातील बहुतांश निदर्शने २३-२४ जुलै रोजी झाली. सोमवारी, कॉकरोच जनता पार्टीने आंदोलनादरम्यान अटक केलेल्या निदर्शकांची त्वरित सुटका करण्याची आणि यापूर्वी दाखल केलेले सर्व गुन्हे मागे घेण्याची मागणी केली.

तसेच यापुढे कोणतेही नवीन गुन्हे दाखल केले जाणार नाहीत, अशी हमीही मागितली. जर सरकारने मंगळवारपर्यंत लेखी करार दिला नाही, तर पुन्हा आंदोलन सुरू करण्याचा इशारा साजेपीने दिला.