Devendra Fadnavis : मुख्यमंत्री देवेंद्र फडणवीस (Devendra Fadnavis) यांनी सोमवारी कोल्हापूर आणि सांगली जिल्ह्यांतील वारंवार उद्भवणाऱ्या पूराच्या समस्येवर उपाययोजना करण्यासाठी ३,२०० कोटी रुपयांच्या पूर व्यवस्थापन मोहिमेची घोषणा केली आहे.

महाराष्ट्र रेझिलियन्स डेव्हलपमेंट प्रोग्रामअंतर्गत राबविल्या जाणाऱ्या या उपक्रमाचा उद्देश पावसाच्या पाण्याची साठवणूक क्षमता वाढवणे आणि कृष्णा व पंचगंगा नद्यांची पाणी वहनक्षमता वाढवणे हा आहे.

एक्सवरील एका पोस्टमध्ये फडणवीस म्हणाले, राज्य सरकार (Devendra Fadnavis) आणि जागतिक बँक यांनी संयुक्तपणे महाराष्ट्र रेझिलियन्स डेव्हलपमेंट प्रोग्रामअंतर्गत तयारी आणि प्रक्रिया पूर्ण केली आहे. ही ३,२०० कोटी रुपयांची मोहीम कोल्हापूर, सांगली आणि इचलकरंजी येथे दीर्घकालीन पूर-सक्षमता निर्माण करण्याच्या दिशेने एक महत्त्वाचे पाऊल आहे.

याद्वारे पावसाच्या पाण्याची साठवणूक वाढवणे, कृष्णा आणि पंचगंगा नद्यांची वहनक्षमता सुधारणे आणि पावसाळी पाण्याचा निचरा करणाऱ्या यंत्रणा बळकट करणे साध्य होईल. या प्रकल्पाच्या अंमलबजावणीची पुढील पावले वेगाने उचलली जातील, अशी अपेक्षा आहे, असे फडणवीस यांनी म्हटले.

सांगली आणि कोल्हापूर जिल्ह्यांतून वाहणाऱ्या कृष्णा नदीच्या (Devendra Fadnavis) पाणी पातळीत होणाऱ्या प्रचंड वाढीमुळे पावसाळ्यात या जिल्ह्यांना अनेकदा भीषण पुराचा सामना करावा लागतो.