Alpha First Day Box Office : मोठ्या प्रमाणावर प्रमोशन तरीही थंड प्रतिसाद! आलिया-शर्वरीच्या ‘अल्फा’ची ओपनिंग डे कमाई किती?
Alpha First Day Box Office : मोठ्या प्रमाणावर प्रमोशन करून देखील चित्रपटाला अपेक्षित ओपनिंग मिळालेले नाही.
Alpha First Day Box Office : बॅालिवूड अभिनेत्री आलिया भट्ट (Alia Bhatt ) आणि शर्वरी वाघ (Sharvari Wagh ) यांची मुख्य भूमिका असलेला YRF स्पाय युनिव्हर्समधील बहुप्रतिक्षित ॲक्शन थ्रिलर ‘अल्फा’ हा चित्रपट ३ जुलै रोजी जगभरातील चित्रपटगृहांत प्रदर्शित झाला आहे.
ट्रेलरला मिळालेल्या दमदार प्रतिसादानंतर चित्रपटाकडून मोठ्या ओपनिंगची अपेक्षा होती. मात्र, पहिल्याच दिवशी बॉक्स ऑफिसवर ‘अल्फा’ (Alpha) ला थंड प्रतिसाद मिळाला आहे. मोठ्या प्रमाणावर प्रमोशन करून देखील चित्रपटाला अपेक्षित ओपनिंग मिळालेले नाही. (Alpha First Day Box Office)
तब्बल १३० कोटी रुपयांच्या बजेटमध्ये तयार झालेल्या ‘अल्फा’ने भारतात पहिल्या दिवशी अवघ्या ९ कोटी रुपयांचे नेट कलेक्शन केले. सकाळच्या शोमध्ये सुमारे ९ हजार स्क्रीनपैकी केवळ १० टक्के आसनांवर प्रेक्षक उपस्थित असल्याचे चित्र दिसले. त्यामुळे चित्रपटाची सुरुवात अपेक्षाभंग करणारी ठरली असल्याची चर्चा आहे. (Alpha First Day Box Office)
सॅकनिल्कच्या आकडेवारीनुसार, ‘अल्फा’ने पहिल्याच दिवशी जगभरात सुमारे १५.८० कोटी रुपयांची कमाई केली. हा आकडा YRF स्पाय युनिव्हर्सच्या आधीच्या चित्रपटांच्या तुलनेत खूपच कमी मानला जात आहे. ‘एक था टायगर’ ३२.९३ कोटी, ‘टायगर जिंदा है’ ३४.१० कोटी, ‘वॅार’ ५३.३५ कोटी, ‘पठाण’ ५७ कोटी अशी ओपनिंग YRF स्पाय युनिव्हर्सच्या चित्रपटांना मिळालेली आहे. (Alpha First Day Box Office)
हेही वाचा : Jailer 2 Teaser : ‘मुझे मारकर चैन से नहीं जी पाएगा’; टायगर मुथुवेल पांडियन पुन्हा मैदानात! दमदार टीझर आऊट
अल्फा चित्रपटाचे लेखन उदय चोप्रा यांनी केले असून निर्मिती आदित्य चोप्रा यांची आहे. ‘द रेल्वे मेन’ फेम शिव रावैल यांनी दिग्दर्शन केले आहे. आलिया भट्ट आणि शर्वरी वाघसोबत अनिल कपूर, बॉबी देओल आणि विशेष भूमिकेत हृतिक रोशनही चित्रपटात झळकला आहे. (Alpha First Day Box Office)
Alpha First Day Box Office : मोठ्या प्रमाणावर प्रमोशन तरीही थंड प्रतिसाद! आलिया-शर्वरीच्या ‘अल्फा’ची ओपनिंग डे कमाई किती?
‘अल्फा’ हा YRF स्पाय युनिव्हर्समधील पहिला महिला-केंद्रित चित्रपट आहे. यापूर्वी ‘एक था टायगर’, ‘टायगर जिंदा है’, ‘वॉर’, ‘पठाण’ आणि ‘टायगर ३’ यांसारख्या चित्रपटांनी पहिल्याच दिवशी ३० ते ६० कोटी रुपयांदरम्यान कमाई करत दमदार सुरुवात केली होती. त्या तुलनेत ‘अल्फा’ची ९ कोटींची ओपनिंग धक्कादायक मानली जात आहे. (Alpha First Day Box Office)
चित्रपटातील ॲक्शन सीक्वेन्स आणि कलाकारांच्या अभिनयाचे कौतुक होत असले तरी कमकुवत पटकथा आणि कथानकामुळे चित्रपटाला फटका बसल्याची चर्चा आहे. आता येत्या काही दिवसांत प्रेक्षकांकडून मिळणाऱ्या सकारात्मक प्रतिसादावर (वर्ड ऑफ माऊथ) ‘अल्फा’चे भवितव्य अवलंबून असणार आहे. (Alpha First Day Box Office)
