Eknath Shinde : एनडीएचे उमेदवार आणि महाराष्ट्राचे माजी राज्यपाल सी.पी. राधाकृष्णन यांनी आज १५ वे उपराष्ट्रपती म्हणून शपथ घेतली आहे. राष्ट्रपती द्रौपदी मुर्मू यांनी त्यांना पद आणि गोपनीयतेची शपथ दिली. या शपथविधी समारंभाला देशाचे पंतप्रधान मोदी, अमित शाहा, राजनाथ सिंह, माजी उपराष्ट्रपती जगदीप धनखड, व्यंकय्या नायडू यांच्यासह महाराष्ट्र राज्यातील अनेक नेत्यांनी हजेरी लावली होती. मात्र, उपमुख्यमंत्री अजित पवार या समारंभात कुठे दिसले नाहीत. एनडीएचा एक घटक पक्ष म्हणून राष्ट्रवादी काँग्रेस पक्ष आहे. त्यामुळे अजित पावर यांची अनुउपस्थिती चर्चेचा विषय ठरत आहे. अखेर उपमुख्यमंत्री एकनाथ शिंदे यांनी अजित पवार या समारंभाला का उपस्थित राहू शकले नाहीत, यामागचं कारण सांगितलं आहे. उपमुख्यमंत्री स्वतः या सोहळ्याला उपस्थित राहण्यासाठी दिल्लीला पोहोचले. उपराष्ट्रपतिपदासाठी एनडीएचे उमेदवार सी.पी. राधाकृष्णन यांनी आज शपथ घेतली. त्यांच्या शपथविधी सोहळ्याला एनडीएतील सर्व प्रमुख घटक पक्षांच्या नेत्यांना आमंत्रित करण्यात आलं होतं. …म्हणून अजितदादा आले नाहीत. राष्ट्रवादी काँग्रेस पक्षाचे प्रमुख अजित पवार या समारंभाला अनुपस्थित होते, त्यावर बोलताना एकनाथ शिंदे म्हणाले, अजितदादांच्यावतीने प्रफुल पटेल उपस्थित होते. ते मला भेटले एनडीएच सगळे लोक होते. त्यांचा रायगडमध्ये पूर्वनियोजित कार्यक्रम होता, म्हणून अजितदादा आले नाहीत, अशी माहिती एकनाथ शिंदे यांनी दिली. सी.पी. राधाकृष्णन यांनी त्यांचे प्रतिस्पर्धी इंडिया आघाडीचे उमेदवार आणि सर्वोच्च न्यायालयाचे माजी न्यायमूर्ती बी सुदर्शन रेड्डी यांचा सहज पराभव केला. राष्ट्रीय स्वयंसेवक संघात (आरएसएस) खोलवर रुजलेले तामिळनाडूमधील भाजपचे ज्येष्ठ नेते राधाकृष्णन (६७) यांनी ४५२ मते मिळवून उपराष्ट्रपतीपदाची निवडणूक जिंकली. तर त्यांचे प्रतिस्पर्धी बी सुदर्शन रेड्डी यांना ३०० मते मिळाली. हेही वाचा : Chhagan Bhujbal : 10 टक्के आरक्षण नकोच का? भुजबळांचा मराठा समाजाला थेट सवाल; नेत्यांनाही धरलं धारेवर म्हणाले…
