Gopichand Padalkar : सध्या राज्याचे उपमुख्यमंत्री अजित पवार यांच्या पक्षातील नेते आणि ओबीसी नेते लक्ष्मण हाके यांच्यात आरोप प्रत्यारोप सुरू आहेत. आता यामध्ये भाजपचे आमदार गोपीचंद पडळकर यांनी उडी घेतली आहे. ओबीसी नेते लक्ष्मण हाके यांनी ओबीसी तसेच सामाजिक न्याय विभागाचा निधी इतरत्र वळवला असल्याचा आरोप अजित पवार यांच्यावर केला होता. यावर गोपीचंद पडळकर यांनी प्रतिक्रिया दिली आहे.

लक्ष्मण हाके जे आरोप करत आहेत त्यावर अजित पवारांनी खुलासा करणं आवश्यक असल्याचे पडळकर म्हणाले आहेत. लक्ष्मण हाके ज्या गोष्टी बोलत आहेत त्याबाबत उपमुख्यमंत्री अजित पवार यांनी तातडीने बैठक घेणे आवश्यक आहे. या बैठकीला सर्व ओबीसी नेत्यांना बोलवावे तसेच मुख्यमंत्री देवेंद्र फडणवीस हे देखील या बैठकीला उपस्थित राहतील, अशी मागणी पडळकर यांनी केली आहे.

लक्ष्मण हाके काय म्हणाले?

ओबीसी नेते लक्ष्मण हाके यांनी अजित पवार हे नेहमीच केंद्रीय गृहमंत्री अमित शाह यांच्या इशाऱ्यावर चालतात. आम्हाला निधी देताना अजित पवार यांच्या हाताला लकवा मारतो का? असा खोचक सवाल केला होता. यानंतर हाके यांनी केलेल्या व्यक्तव्याचा राष्ट्रवादी काँग्रेस पक्षातील नेत्यांनी चांगला समाचार घेतला. तसेच हाके यांनी अजित पवार यांनी ओबीसी आणि सामाजिक न्याय विभागाचा निधी इतरत्र वळवला असल्याचा आरोप देखील केला आहे.

निरसन करणे त्या खात्याची जबाबदारी

जर ओबीसींचे पैसे अडवले नाहीत, असे राष्ट्रवादी काँग्रेस पक्षाचे मत असेल तर त्यांनी त्या पद्धतीचा क्लिअरिफिकेशन देणे आवश्यक आहे. महाराष्ट्रातील जनतेच्या मनात जर याबाबत शंका असेल तर त्या शंकेचे निरसन करणे त्या खात्याची जबाबदारी आहे. असे देखील गोपीचंद पडळकर म्हणाले.

हेही वाचा: “महाराष्ट्रात प्रत्येकाला हक्काचे घर मिळणार; ग्रामीण भागात ८० हजार कोटींची गुंतवणूक; मुख्यमंत्री फडणवीस यांची घोषणा