Delhi NCR Rape Case : “४७ किलोमीटरपर्यंत क्रूरता, आणखी किती मुलींसोबत…” ; दिल्लीतील सामूहिक बलात्कार प्रकरणावरून राहुल गांधी संतप्त
Delhi NCR Rape Case : दिल्ली-एनसीआरमध्ये धावत्या बसमधील चालक आणि वाहकाने एका १६ वर्षीय मुलीवर बलात्कार केला. या बलात्कार प्रकरणावरून काँग्रेस नेते राहुल गांधी यांनी केंद्र आणि उत्तर प्रदेश सरकारवर निशाणा साधला आहे.
Delhi NCR Rape Case : दिल्ली-एनसीआरमध्ये धावत्या बसमधील चालक आणि वाहकाने एका १६ वर्षीय मुलीवर अत्याचार केला. या अत्याचार प्रकरणावरून काँग्रेस नेते राहुल गांधी यांनी केंद्र आणि उत्तर प्रदेश सरकारवर निशाणा साधला आहे. ते म्हणाले, “संपूर्ण दिल्ली किंवा नोएडा पोलिसांना याची साधी कल्पनाही नव्हती.”
राहुल गांधी यांनी सरकारवर निशाणा साधणारी एक पोस्ट शेअर केली. त्यांनी लिहिले, “दिल्ली एनसीआर महिलांसाठी इतके असुरक्षित झाले आहे की, ग्रेटर नोएडा ते दिल्ली या ४७ किलोमीटरच्या स्लीपर बसमध्ये एका अल्पवयीन मुलीवर सामूहिक बलात्कार झाला. हे धक्कादायक आहे की संपूर्ण दिल्ली किंवा नोएडा पोलिसांना याची माहितीच नव्हती. ही बस नोएडा-ग्रेटर नोएडा द्रुतगती मार्ग, दिल्ली रिंग रोड आणि सीमा ओलांडून गेली आणि तिला एकाही तपासणी नाक्यावर थांबवण्यात आले नाही.”
नियमांचे पालन का केले जात नाही? Delhi NCR Rape Case :
राहुल गांधी पुढे म्हणाले, “बसच्या सीटवर पडदे लावलेले होते, जेणेकरून आत काय चालले आहे हे कोणालाही दिसू नये आणि गुन्हेगारांना प्रशासनाची भीती वाटत नाही. निर्भयाच्या घटनेला इतकी वर्षे उलटून गेली असताना, इतक्या घटनांनंतरही, अशा बसेसची तपासणी आणि देखरेख करण्याचे नियम का पाळले जात नाहीत?” त्या बसवर फक्त पडदेच लावण्यात आले नव्हते, सरकारने वर्षानुवर्षे प्रशासकीय अपयशांवर पांघरूण घातल्यामुळे, देशाच्या राजधानीतही महिला सुरक्षितपणे प्रवास करू शकत नाहीत.
दिल्ली NCR महिलाओं के लिए इतना असुरक्षित हो चुका है कि एक नाबालिग बच्ची के साथ एक स्लीपर बस में 47 किलोमीटर तक गैंगरेप हुआ – ग्रेटर नोएडा से दिल्ली तक।
हैरानी की बात है कि पूरी दिल्ली या नोएडा पुलिस को इसकी भनक तक नहीं लगी। यह बस नोएडा-ग्रेटर नोएडा एक्सप्रेसवे, दिल्ली का रिंग… pic.twitter.com/VqL9Xo264j
— Rahul Gandhi (@RahulGandhi) September 1, 2026
केंद्र आणि राज्य सरकारे या परिस्थितीकडे लक्ष देण्यापूर्वी आणखी किती महिला आणि मुलींना या दुर्दशेला सामोरे जावे लागेल? अमित शाह यांच्या नेतृत्वाखालील दिल्ली पोलीस आणि आदित्यनाथ यांच्या नेतृत्वाखालील यूपी पोलिसांना जबाबदार धरले जाईल का? अजिबात शक्यता नाही – हा गुन्हा दडपला जाईल.
आरोपींना अटक करण्यात आली Delhi NCR Rape Case :
ही घटना ४ ऑगस्टच्या रात्री, ४७ किलोमीटरच्या बस प्रवासादरम्यान घडली. बस ग्रेटर नोएडातील परी चौक ते जुन्या दिल्लीतील काश्मिरी गेट असा प्रवास करत होती. पोलिसांनी चालक आणि वाहक दोघांनाही अटक केली आहे. बसदेखील जप्त करून न्यायवैद्यक तपासणीसाठी पाठवण्यात आली आहे.
