Delhi Farmer Protest : नोएडा, ग्रेटर नोएडा आणि यमुना प्राधिकरण क्षेत्रातील सुमारे एक लाख शेतकरी त्यांच्या विविध मागण्यांसाठी आज दिल्लीकडे कूच करत आहेत. त्यामुळे दिल्लीतील सुरक्षा यंत्रणा, प्रशासन सतर्क झाले आहे. शेतकरी दिल्लीकडे जात असताना सीमेवर वाहतूक कोंडी होऊ शकते.

अशा परिस्थितीत नोएडा पोलिसांनी अनेक मार्गावरील वाहतूकीसाठी पर्यायी मार्गांचा वापर करण्याच्या सूचना देण्यात आल्या आहेत. मात्र, नोएडा आणि दिल्लीच्या सीमेवर शेतकऱ्यांना अडविण्यासाठी लावण्यात आलेले बॅरिकेड्स देखील तोडून शेतकरी दिल्लीत घुसण्याचा प्रयत्न करत आहेत. या मोर्चामुळे नोएडातील युमना एक्सप्रेस वे बंद करण्यात आला असून वाहनांच्या 5 किलोमीटर पर्यंत रांगा लागल्या आहेत.

दिल्ली मोर्चासाठी नोएडाहून पुढे जाणाऱ्या शेतकऱ्यांच्या एका गटाने दलित प्रेरणा स्थानाजवळील नोएडा पोलिसांचे बॅरिकेड्स तोडले आहेत. शेतकरी संघटनेचे कार्यकर्ते येथून पुढे सरसावले आहेत. दरम्यान, नोएडा पोलिसांनी डीएनडीजवळ मोठा बंदोबस्त तैनात केला आहे. पोलिासांनी मोर्चा रोखण्यासाठी एक्सप्रेस वे वर क्रेन आणि कंटेनर उभे केले आहेत. त्यामुळे मोठी वाहतुक कोंडी झाली आहे.

संयुक्त किसान मोर्चा (SKM) च्या नेतृत्वाखाली हजारो शेतकरी नोएडाहून दिल्लीच्या दिशेने कूच करत आहेत. नवीन कृषी कायद्यांतर्गत नुकसान भरपाई आणि लाभ मिळण्याच्या 5 मागण्यांसाठी शेतकरी आग्रही आहेत. त्यासाठी हजारांच्या संख्येने शेतकरी राजधानी दिल्लीकडे रवाना झाले आहेत.

‘या’ 5 मागण्यांसाठी शेतकरी आग्रही :

– जुन्या भूसंपादन कायद्यानुसार बाधित शेतकऱ्यांना 10 टक्के भूखंड आणि 64.7 टक्के वाढीव मोबदला देण्यात यावा.

– 1 जानेवारी 2014 नंतर संपादित केलेल्या जमिनीवर बाजारभावाच्या चौपट मोबदला आणि 20 टक्के भूखंड द्यावा.
– भूमिहीन शेतकऱ्यांच्या मुलांना रोजगार आणि पुनर्वसनाचा लाभ द्यावा.

– उच्चाधिकार समितीने पारित केलेल्या मुद्द्यांवर शासन आदेश काढावेत.

– लोकसंख्या असलेल्या क्षेत्राची योग्य विल्हेवाट लावली पाहिजे.

मार्ग काय असेल ते जाणून घ्या :

– दिल्ली सीमेवरून ग्रेटर-नोएडाच्या दिशेने जाणारी वाहने सेक्टर 14A फ्लायओव्हर, गोलचक्कर चौक, सेक्टर 15, संदीप पेपर मिल चौक, झुंडपुरा चौक मार्गे त्यांच्या गंतव्यस्थानी पोहोचू शकतील.

– डीएनडी सीमेवरून दिल्लीकडे जाणारी वाहने सेक्टर 18, फिल्मसिटी फ्लायओव्हर मार्गे एलिव्हेटेड वापरून त्यांच्या गंतव्यस्थानी पोहोचू शकतील.

– कालिंदी सीमेवरून येणारी वाहने सेक्टर 37 मार्गे महामाया उड्डाणपुलावरून त्यांच्या गंतव्यस्थानी पोहोचू शकतील.

– ग्रेटर नोएडाहून दिल्लीच्या दिशेने जाणारी वाहने चरखा चौकातून कालिंदी कुंजमार्गे त्यांच्या गंतव्यस्थानी पोहोचू शकतील.

– ग्रेटर नोएडाहून दिल्लीच्या दिशेने जाणारी वाहने हाजीपूर अंडरपास मार्गे कालिंदी कुंजच्या दिशेने आणि सेक्टर 51 ते सेक्टर 60 मार्गे मॉडेल टाऊन मार्गे त्यांच्या गंतव्यस्थानाकडे जाऊ शकतील.

– यमुना एक्सप्रेसवे वापरून दिल्लीकडे जाणारी वाहतूक जेवार टोलवरून खुर्जाच्या दिशेने उतरून जहांगीरपूरमार्गे गंतव्यस्थानी पोहोचू शकेल.

– सिरसा, परिचौक मार्गे दिल्लीला जाणारी वाहतूक पेरिफेरल एक्स्प्रेस वेवरून उतरल्यानंतर सिरसा येथे उतरण्याऐवजी दादरी, डासना मार्गे आपल्या गंतव्यस्थानी पोहोचू शकेल.

– वळवताना आपत्कालीन वाहने सुरक्षित स्थळी पाठवली जातील.

– या काळात ट्रॅफिक हेल्पलाइन क्रमांक आहे – 9971009001.