Delhi Assembly Election 2025 Exit Polls: दिल्लीतील सर्व 70 विधानसभा जागांवर आज मतदान झाले. राजकीय पक्षांच्या कार्यकर्त्यांमध्ये तुरळक मारामारी वगळता मतदान शांततेत पार पडले. दिल्लीत एकूण 699 उमेदवार आपले नशीब आजमावत होते. दिल्लीतील सर्व 11 जिल्ह्यांतील 70 विधानसभा जागांसाठी सकाळी 7 वाजता मतदानाला सुरुवात झाली. मतदान केंद्राचे दरवाजे संध्याकाळी 6 नंतर बंद करण्यात आले, आत प्रवेश केलेल्या लोकांना गेट बंद होईपर्यंत मतदान करण्याची परवानगी देण्यात आली. मतदानानंतर आता एक्झिट पोलचे आकडे येत आहेत.

आप आणि भाजपमध्ये निकराची लढत, कोणाला किती जागा मिळतात पाहूया –

दिल्ली विधानसभेच्या 70 जागांसाठी मतदान संपल्यानंतर एक्झिट पोलचे निकाल आले आहेत. यावेळी दिल्लीत चुरशीची लढत आहे. मॅट्रीसच्या एक्झिट पोलनुसार आम आदमी पार्टीला 32 ते 37 जागा मिळण्याची शक्यता आहे. त्याचवेळी भाजपला 35 ते 40 जागा मिळतील असे सांगितले जात आहे. काँग्रेसला 0 ते 1 जागा मिळण्याची शक्यता आहे. भाजपला 46 टक्के मते मिळतील असे सांगण्यात येत आहे. त्याचवेळी आम आदमी पक्षाला 44 टक्के मते मिळण्याची शक्यता आहे.

JVC एक्झिट पोलमध्ये भाजप सरकार –

JVC एक्झिट पोलने यावेळी भाजप सरकार स्थापनेचा अंदाज वर्तवला आहे. एक्झिट पोलनुसार यावेळी भाजपला 39 ते 45 जागा मिळू शकतात. त्याचवेळी आम आदमी पक्षाला 22 ते 31 जागा मिळण्याची शक्यता आहे. एक्झिट पोलमध्ये काँग्रेसला 0-2 जागा मिळत आहेत. त्याचबरोबर एक जागा दुसऱ्याच्या खात्यात जाऊ शकते.

P-MARQमध्ये भाजप सरकार, भाजपला 39-49 जागा मिळाल्या –

पी-मार्कच्या एक्झिट पोलनुसार यावेळी भाजप सरकार स्थापन करेल अशी अपेक्षा आहे. या एक्झिट पोलमध्ये यावेळी भाजपला मोठे बहुमत मिळण्याची अपेक्षा आहे. या एक्झिट पोलनुसार भाजपला 39 ते 49 जागा मिळू शकतात. त्याचवेळी आम आदमी पक्षाला 21 ते 31 जागा मिळण्याची शक्यता आहे. त्याचवेळी काँग्रेसला केवळ 1 जागा मिळणार असल्याचे सांगण्यात आले आहे.

Poll Dairyच्या एक्झिट पोलनुसार भाजप 42 ते 50 जागांवर आघाडीवर –

पोल डेअरीच्या एक्झिट पोलनुसार भाजप 42 ते 50 जागांवर आघाडीवर असल्याचे दिसत आहे. पोल डेअरीनुसार, AAP ला 18 ते 25 जागा मिळू शकतात, काँग्रेसला 0 ते 2 जागा आणि इतरांना 0 ते 1 जागा मिळू शकतात.

Matrizeच्या एक्झिट पोलनुसार भाजप 35 ते 40 जागांवर आघाडीवर –

मॅट्रीजच्या एक्झिट पोलनुसार भाजपला 35 ते 40 जागांवर आघाडी मिळताना दिसत आहे. मॅट्रिझच्या मते, आपला 18 ते 25 जागा मिळू शकतात, काँग्रेसला 0 ते 2 आणि इतरांना 0 ते 1 जागा मिळू शकतात.

WEEPRESIDE च्या एक्झिट पोलमध्ये AAP 46 ते 52 जागांवर आघाडीवर –

WEEPRESIDE च्या एक्झिट पोलनुसार, AAP 46 ते 52 जागांवर आघाडीवर आहे. WEEPRESIDE नुसार, भाजपला 18 ते 23 जागा मिळू शकतात, तर काँग्रेसला 0 ते 1 जागा मिळू शकते.

Mind Brink Exit Polls: आपला 44 ते 49 जागा मिळतील अशी अपेक्षा –

माइंड ब्रिंक एक्झिट पोलमध्ये आपला 44 ते 49 जागा मिळण्याचा अंदाज आहे. याशिवाय भाजपला 21 ते 25 जागा मिळण्याची शक्यता आहे. त्याचबरोबर काँग्रेसला 0 ते 1 जागा मिळू शकते.

ZEE NEWS-ICPL च्या AI सर्वेक्षणात आप सरकार

ZEE NEWS आणि ICPL च्या AI सर्वेक्षणानुसार, दिल्लीत आम आदमी पार्टीचे (AAP) सरकार स्थापन होणार आहे. सर्वेक्षणात आपला 33-38 जागा, भारतीय जनता पार्टी (भाजप) 31-36 जागा आणि काँग्रेसला 0-2 जागा मिळू शकतात.

Journo Mirror Exit Polls: दिल्लीत आप सरकार स्थापन होण्याची चिन्हे –
जर्नो मिररच्या एक्झिट पोलने दिल्लीत आपचे सरकार स्थापन करण्याचे संकेत दिले आहेत. येथे आपला 45 ते 48 जागा मिळू शकतात. भाजपला 18 ते 20 जागा मिळण्याची शक्यता आहे. काँग्रेसला 0 ते 1 जागा मिळू शकते.