Deepika Padukone : ‘गोलमाल 5’मध्ये दीपिका पादुकोणची एन्ट्री! नेमकी कोणती भूमिका साकारणार? अपडेट समोर

Deepika Padukone : दिग्दर्शक रोहित शेट्टीचा बहुप्रतिक्षित सिनेमा ‘गोलमाल 5’ सध्या आपल्या स्टारकास्टमुळे चर्चेत आला आहे. आधीच दमदार कलाकारांची फळी असलेल्या या सिनेमात आता आणखी काही मोठी नावे जोडली गेल्याची चर्चा आहे.

मिळालेल्या माहितीनुसार, या सिनेमात अजय देवगण, अर्शद वारसी, तुषार कपूर, श्रेयस तळपदे, कुणाल खेमू आणि शर्मन जोशी यांसारखे फ्रँचायझीतील जुने चेहरे पुन्हा एकत्र दिसणार आहेत. याशिवाय अक्षय कुमारही या सिनेमात झळकणार आहे.

दक्षिणेतील लोकप्रिय अभिनेत्री प्रियामणी हिला महत्त्वाची भूमिका देण्यात आल्याचे सांगितले जात आहे. याचदरम्यान, कास्टविषयी एक अपडेट समोर आली आहे. आहे. मिळालेल्या माहितीनुसार, अभिनेत्री दीपिका पादुकोण हिची ‘गोलमाल 5’मध्ये एन्ट्री झाली आहे. Deepika Padukone

दीपिका या सिनेमात कॅमिओ भूमिका साकारताना दिसणार असली तरी तिची भूमिका महत्त्वपूर्ण असणार असल्याचे बोलले जात आहे. ती ‘सिंघम अगेन’मधील इन्स्पेक्टर शक्ती शेट्टी हीच भूमिका पुन्हा साकारणार असल्याची चर्चा आहे. कथानकानुसार, ती एका मिशनवर दिसेल आणि अक्षय कुमारच्या पात्राचा पाठलाग करताना दिसणार आहे.

वृत्तांनुसार, सिनेमाच्या क्लायमॅक्समध्ये दीपिकाची भव्य एन्ट्री होईल आणि शेवटी अजय देवगण आणि त्याच्या टीमच्या मदतीने ती अक्षय कुमारच्या पात्राला पकडताना दिसेल. हा प्रसंग रोहित शेट्टीच्या कॉप युनिव्हर्स आणि ‘गोलमाल’च्या कॉमेडी विश्वाला जोडणारा खास क्रॉसओव्हर ठरू शकतो. मात्र, अद्याप निर्मात्यांकडून याबाबत अधिकृत घोषणा करण्यात आलेली नाही.

‘ गोलमाल ’ ही बॉलिवूडमधील एक अतिशय लोकप्रिय कॉमेडी फिल्म फ्रँचायझी आहे, ज्याचे दिग्दर्शन रोहित शेट्टी यांनी केले आहे. ही मालिका आपल्या भन्नाट विनोद, गोंधळलेले प्रसंग आणि लक्षात राहणाऱ्या पात्रांसाठी ओळखली जाते. आता गोलमाल 5 वर काम सुरू असून, पुन्हा एकदा हीच टीम प्रेक्षकांना हसवण्यासाठी सज्ज आहे. Deepika Padukone

हेही वाचा : RBI MPC Meeting: आरबीआयकडून रेपो दरात कोणताही बदल नाही ; ईएमआय वाढेल की कमी होईल? वाचा