कारविले (टेक्सास, अमेरिका) – अमेरिकेत मध्य टेक्सासमध्ये आलेल्या विनाशकारी पुरात मृतांचा आकडा १०० च्या वर गेला आहे. बेपत्ता झालेल्या शाळकरी मुली आणि अन्य लोकांचा शोध सलग चौथ्या दिवशी सुरू आहे.

आता या पुरात वाहून गेलेल्यांपैकी वाचलेले अधिक लोक सापडण्याची शक्यता कमी झाली आहे. मृतांपैकी बहुतेक केर काउंटीमध्ये होते, तेथील कॅम्प मिस्टिक कॅम्प या ख्रिश्चन मुलींच्या उन्हाळी शिबिरात २८ मुलांचा मृत्यू झाला आहे.

जर ग्वाडालुपे नदीकाठी पूर इशारा देणारे सायरन बसवले असते तर कदाचित जीव वाचले असते, असे टेक्सासचे लेफ्टनंट गव्हर्नर डॅन पॅट्रिक म्हणाले. पुढील उन्हाळ्यापर्यंत अशा यंत्रणा बसवण्याचे आवाहन त्यांनी केले.

ही दुर्घटना टाळण्यासाठी अधिकारी आणखी काही करू शकले असते का, असा प्रश्न स्थानिक अधिकाऱ्यांना भेडसावत आहे. दरम्यान, व्हाईट हाऊसने राष्ट्रीय हवामान सेवेमधील आर्थिक तरतूदींमध्ये केलेल्या कपातीमुळे आपत्ती प्रतिसाद रोखता आला असता अशा सूचना नाकारल्या आहेत.