Vaishnavi Gisare : पुण्यात आणखी एका ‘वैष्णवी’चा मृत्यू; धक्कादायक कारण समोर
Vaishnavi Gisare : पुण्यातील उंड्री-वडाचीवाडी परिसरात नवविवाहितेच्या आत्महत्येची आणखी एक हृदयद्रावक घटना समोर आली आहे.
Vaishnavi Gisare : पुण्यात नवविवाहितेच्या आत्महत्येची आणखी एक धक्कादायक घटना समोर आली आहे. वडाचीवाडी परिसरात २३ वर्षीय वैष्णवी ओंकार गिसरे हिने राहत्या घरी गळफास घेऊन आत्महत्या केल्याची घटना घडली. कार खरेदीसाठी माहेरच्यांकडून ५ लाख रुपये आणावेत, अशी मागणी करत सासरच्यांकडून तिचा मानसिक छळ केला जात असल्याचा आरोप तिच्या कुटुंबीयांनी केला आहे. (Vaishnavi Gisare)
या प्रकरणी वैष्णवीचे वडील प्रवीण रघुनाथ जरांडे यांनी काळेपडळ पोलिस ठाण्यात तक्रार दाखल केली. त्यांच्या तक्रारीवरून पोलिसांनी वैष्णवीचा पती ओंकार संजय गिसरे (वय २८), सासरे संजय महादेव गिसरे (वय ४९) आणि सासू रुपाली संजय गिसरे (वय ४२) यांच्याविरोधात गुन्हा दाखल केला आहे. हुंडा प्रतिबंधक कायदा तसेच आत्महत्येस प्रवृत्त केल्याप्रकरणी हा गुन्हा दाखल करण्यात आला असून, पोलिसांकडून तपास सुरू आहे. (Vaishnavi Gisare)
वैष्णवी आणि ओंकार यांचा विवाह ९ मे २०२६ रोजी झाला होता. विवाहाला अवघे चार महिने झाले असतानाच ही घटना घडली. वैष्णवी ही आयटी इंजिनियर होती. विवाहावेळी माहेरच्यांनी सुमारे ४५ लाख रुपये खर्च करून १० तोळे सोने दिल्याचा दावा तिच्या कुटुंबीयांनी केला आहे. (Vaishnavi Gisare)
मात्र, त्यानंतरही कार खरेदीसाठी ५ लाख रुपये आणण्याची मागणी करण्यात येत असल्याचा आरोप करण्यात आला आहे. या मागणीवरून वैष्णवीचा मानसिक छळ केला जात होता, असा दावा तिच्या माहेरच्यांनी पोलिसांकडे केलेल्या तक्रारीत केला आहे. याच छळाला कंटाळून तिने आत्महत्येचे पाऊल उचलल्याचा आरोप कुटुंबीयांनी केला आहे. (Vaishnavi Gisare)
गुरुवारी रात्री वैष्णवीने राहत्या घरी गळफास घेतल्याची माहिती समोर आली. घटनेची माहिती मिळताच पोलिसांनी घटनास्थळी धाव घेतली. पंचनामा आणि इतर कायदेशीर प्रक्रिया पूर्ण करण्यात आली असून, या प्रकरणातील आरोपांची सत्यता तपासण्यासाठी पोलिसांकडून पुढील तपास सुरू आहे. (Vaishnavi Gisare)
