Adesh Bandekar : झी मराठी वाहिनीवरील अत्यंत लोकप्रिय होम मिनिस्टर या शोमुळे आदेश बांदेकर हे नाव घराघरात पोहचले. बांदेकर पैठणी घेऊन आला… हे या शोच्या टायटल ट्रॅकमधील शब्दाने तब्बल २० वर्ष महाराष्ट्राच्या मनावर अधिराज्य केले. मात्र, काही दिवसांपूर्वी या शोने निरोप घेतला. आता आदेश बांदेकर पुन्हा एकदा छोट्या पड्यावर पुनरागम करणार आहेत.

नुकताच एका नव्या मालिकेचा प्रोमो समोर आला आहे. या प्रोमोत स्वतः आदेश बांदेकर दिसत नसले तरी त्यांचा बॅकग्राउंड व्हायस मात्र ऐकू येत आहे. पंढरीची वारी तुमच्या घरी…माऊली महाराष्ट्राची असे या मालिकेचे नाव आहे.

झी मराठी या वाहिनीवरील होम मिनिस्टर हा शो खूप लोकप्रिय ठरला. म्हणून तर तब्बल २० वर्ष हा शो सुरू होता आणि विशेष म्हणजे या शोचे सूत्रसंचालन इतके वर्ष आदेश बांदेकर यांनीच केले. या शोमध्ये पैठणीचा खेळ रंगायचा. या शोने महाराष्ट्रातील नाही तर देशभरातील महिलांचा सन्मान केला. तब्बल  २० वर्ष हा शो सुरू होता. इतकी वर्ष टेलिव्हिजनचा पडदा गाजवणारा हा एकमेव शो असावा, असे म्हटले तर वावगे वाटू नये.

 

View this post on Instagram

 

A post shared by Star Pravah (@star_pravah)

आदेश बांदेकर यांचा नवाकोरा शो स्टार प्रवाह या वाहिनीवर येणार आहे. नुकतेच स्टार प्रवाहच्या सोशल मीडिया हँडलवरुन या नव्याकोऱ्या शोची अधिकृत घोषणा करण्यात आली. ज्यामध्ये आदेश बांदेकर दिसत नसले, तरीही त्यांचा आवाज ऐकू येत आहे. या प्रोमोला त्यांनी व्हाईस ओव्हर दिला आहे. आषाढी एकादशीच्या निमित्ताने स्टार प्रवाह या वाहिनीवर पंढरीची वारी तुमच्या घरी…माऊली महाराष्ट्राची हा शो रोज संध्याकाळी सहा वाजता पाहायला मिळणार आहे. दरम्यान, आदेश बांदेकर यांची या शोमध्ये कोणती भूमिका असणार याबाबत माहिती मिळू शकलेली नाही.

हेही वाचा: प्रियांकाने वडिलांसोबतचा तो फोटो केला शेअर, लिहिली भावूक पोस्ट; म्हणाली “पापा तुमची दररोज आठवण येते”