Priyadarshini Indalkar : ‘दशावतार‘ या मराठी चित्रपटावर प्रेक्षकांनी भरभरून प्रेम केले. बॅाक्स अॅाफिसवर चांगली कमाई चित्रपटाने केली. या चित्रपटात अभिनेते दिलीप प्रभावळकर यांच्या अभिनयाचे खूप कौतुक करण्यात आले. त्याचप्रमाणे चित्रपटातील इतर सहकलाकारांनी साकारलेल्या भूमिकेचे देखील कौतुक प्रेक्षकांनी केले. या चित्रपटात अभिनेत्री प्रियदर्शनी इंदलकर हिच्या व्यक्तिरेखेचे देखील खूप कौतुक झाले. अशातच आता अभिनेत्री प्रियदर्शिनी इंदलकरने चाहत्यांना आनंदाची बातमी दिली आहे. सध्या चित्रपटसृष्टीतील अनेक कलाकार स्वतःचा युट्युब चॅनेल सुरू करत आहेत. प्रियदर्शिनीने देखील स्वतःचा युट्युब चॅनेल सुरू करणार केला आहे. सोशल मीडियावर पोस्ट शेअर करत तिने याबाबत माहिती दिली आहे. पोस्टमध्ये तिने युट्युब चॅनेल सुरू चॅनेल सुरू करण्यामागे काय हेतू होता याबाबतही सांगितले आहे. ‘Sounds Good Shini’ असे तिच्या युट्युब चॅनेलचे नाव आहे. या युट्यूब चॅनलवर नवीन गोष्टी, संकल्पना, कल्पना ती राबवणार आहे. View this post on Instagram A post shared by Priyadarshini Indalkar (@soundsgoodshini) “चला एकत्र ‘जादू’ निर्माण करूया! गेली अनेक वर्षे अभिनयाव्यतिरिक्त इतर क्रिएटिव्ह बाजूंशी माझा संपर्क नव्हता, त्यामुळे स्वतःचा युट्यूब चॅनेल सुरू करण्याचा अनुभव खूप आनंददायी असल्याची भावना तिने पोस्टमध्ये शेअर केली आहे. हा चॅनेल सुरू करण्याची कोणतीही योजना नव्हती, पण काही निर्णय मनात घर करून राहिले होते आणि सर्वांच्या सामूहिक प्रयत्नांतून हे शक्य झाले असल्याची भावनाही अभिनेत्रीने व्यक्त केली आहे. अभिनेत्री प्रियदर्शिनी इंदलकर हिने चॅनेलच्या या प्रवासात मदत करणाऱ्या आणि पाठिंबा देणाऱ्या सर्वांचे मनापासून आभार मानले आहेत. हेही वाचा : “ट्रम्पना स्वतःची प्रशंसा करायला आवडते, म्हणून जेव्हा पुतिन फोन करतील..” ; लीक झालेल्या फोन कॉलमुळे एकच खळबळ
