Pune | पुणे शहरात कॅम्प परिसरात एक धक्कादायक प्रकार समोर आला आहे. कॅम्प परिसरात असणाऱ्या एका बंगल्यात डान्सबार चालत असल्याचे समोर आले आहे. एवढेच नव्हे तर बंगल्यासबाहेर सायंकाळच्या वेळेमध्ये काही तरुणी उभ्या असतात. त्यानंतर आलिशान गाड्यांमधून काही लोक येतात आणि या मुलींमधून पसंत करुन यापैकी कोणालाही ते आपल्या गाडीमध्ये घेऊन जातात. तर काहीजण वरच्या मजल्यावर डान्सबारमध्ये सुद्धा असतात, असा गंभीर आरोप शिवसेना उबाठा गटाकडून करण्यात आला होता. त्यानंतर पोलिसांनी या प्रकरणाची गांभीर्याने दखल घेत संबंधित व्यक्तीवर गुन्हा दाखल केला आहे. गुन्हा दाखल केलेली व्यक्ती राष्ट्रवादी काँग्रेस पक्षाच्या अल्पसंख्यांक विभागाचे राज्य उपाध्यक्ष आहे.

राष्ट्रवादी काँग्रेस पक्षाच्या अल्पसंख्यांक विभागाचा राज्य उपाध्यक्ष शंतनु कुकडे असे गुन्हा दाखल करण्यात आलेल्या आरोपीचे नावे आहे. कुकडेवर बलात्कार आणि बाल लैंगिक अत्याचारा अंतर्गत पोक्सोचा गुन्हा करण्यात आला आहे. शंतनु कुकडे याचा पुणे कॅम्प परिसरात आलिशान बंगला आहे. या बंगल्यात तो गरजू विद्यार्थांसाठी राहण्याची सोय करतो. काही महिन्यांपूर्वी या बंगल्यात दोन मुली राहण्यासाठी आल्या होत्या. त्यापैकी एक अल्पवयीन होती. या दोन मुलींनी शंतनु कुकडेने आपल्यावर बलात्कार केल्याची तक्रार केल्यानंतर कुकडेवर बलात्काराचा गुन्हा दाखल करण्यात आला आहे.

नेमकं प्रकरण काय ?

पुण्यातील कॅम्प परिसरात असणाऱ्या आपल्या बंगल्यामध्ये वरच्या मजल्यावर कुकडे हा डान्सबार चालवत असल्याचा गंभीर आरोप शिवसेना उद्धव बाळासाहेब ठाकरे पक्षाच्या पदाधिकाऱ्यांनी केला आहे. सायंकाळच्या वेळी मुली रस्त्यावर उभ्या असतात. आ्लिशान गाड्यांमधून काही लोक येतात आणि मुली पसंत करुन त्यापैकी कोणालाही आपल्या गाडीतून घेऊन जात असल्याचे उबाठातील पदाधिकाऱ्यांचे म्हणणे आहे.

धर्मपरिवर्तनाचे रॅकेट?

इतकंच नाही तर हा शंतनू कुकडे धर्म परिवर्तनाचे मोठे रॅकेट चालत असल्याचा गंभीर आरोप शिंदेंच्या शिवसेनेच्या पदाधिकाऱ्यांनी केला आहे. आमदार रविंद्र धंगेकर यांनी या प्रकरणी आपली प्रतिक्रिया देत ही माहिती दिली आहे. कुकडेवर समर्थ पोलिसांत गुन्हा दाखल करण्यात आला आहे. आता त्याची पक्षातून हकालपट्टी करण्यात यावी, अशी मागणी केली जात आहे.