Weather Update : बंगालच्या उपसागरात ‘अक्वान’ चक्रीवादळ; वाऱ्यांचा वेग 145 किमीपर्यंत पोहोचण्याचा अंदाज, दक्षिण भारतात मुसळधार पाऊस!
Weather Update : बंगालच्या उपसागरात निर्माण झालेले तीव्र कमी दाबाचे क्षेत्र वेगाने अधिक तीव्र होत असून १७ नोव्हेंबरच्या सायंकाळपर्यंत त्याचे रूपांतर एका भीषण चक्रीवादळात होण्याची दाट शक्यता आहे.

Weather Update : बंगालच्या उपसागरात निर्माण झालेल्या तीव्र कमी दाबाच्या क्षेत्राचे चक्रीवादळात रूपांतर झाले आहे. भारतीय हवामान विभागाने या चक्रीवादळाला ‘अक्वान’ (Akvan) असे नाव दिले आहे. हे चक्रीवादळ 17 नोव्हेंबरच्या संध्याकाळपर्यंत तीव्र चक्रीवादळात रूपांतरित होण्याची शक्यता आहे. (Weather Update)
त्यानंतर ते आणखी तीव्र होऊन 20 नोव्हेंबर रोजी आंध्र प्रदेशच्या किनारपट्टीवर धडकण्याचा अंदाज हवामान विभागाने वर्तवला आहे. किनारपट्टीवर पोहोचताना वाऱ्यांचा वेग ताशी 120 ते 130 किलोमीटर, तर झोतांचा वेग 145 किलोमीटरपर्यंत जाऊ शकतो. (Weather Update)
13 राज्ये आणि केंद्रशासित प्रदेशांमध्ये पावसाचा अंदाज
हवामान विभागाच्या अंदाजानुसार, तामिळनाडू, पुद्दुचेरी, कराईकल, केरळ, माहे, आंध्र प्रदेश, यानम, रायलसीमा, तेलंगणा, अरुणाचल प्रदेश, आसाम, मेघालय आणि अंदमान-निकोबार बेटांवर विविध दिवसांत पावसाची शक्यता आहे. मात्र, सर्वच राज्यांमध्ये मुसळधार पावसाचा इशारा देण्यात आलेला नाही. (Weather Update)
तामिळनाडू, पुद्दुचेरीत मुसळधार पावसाची शक्यता
17 नोव्हेंबर रोजी तामिळनाडू, पुद्दुचेरी आणि कराईकलच्या काही भागांत मुसळधार पाऊस पडण्याची शक्यता आहे. 18 आणि 19 नोव्हेंबर रोजी या भागांत अतिमुसळधार पावसाचा अंदाज वर्तवण्यात आला आहे. 17 आणि 18 नोव्हेंबरदरम्यान काही ठिकाणी ताशी 40 ते 50 किलोमीटर वेगाने वारे वाहण्याची शक्यता आहे. (Weather Update)
आंध्र प्रदेश आणि रायलसीमामध्ये वादळी पावसाचा इशारा
आंध्र प्रदेशच्या किनारपट्टीवरील भाग आणि यानममध्ये 16 ते 18 नोव्हेंबरदरम्यान पावसाचा अंदाज आहे. रायलसीमा भागातही पाऊस पडण्याची शक्यता आहे. 19 आणि 20 नोव्हेंबर रोजी आंध्र प्रदेशच्या किनारपट्टीसह रायलसीमामध्ये विजांच्या कडकडाटासह पाऊस आणि जोरदार वारे वाहण्याचा इशारा देण्यात आला आहे. या काळात वाऱ्यांचा वेग ताशी 80 ते 90 किलोमीटरपर्यंत पोहोचू शकतो. (Weather Update)
मच्छिमारांना समुद्रात न जाण्याचा सल्ला
बंगालच्या उपसागरातील हवामान प्रणाली अधिक तीव्र होत असल्याने समुद्रात उंच लाटा आणि जोरदार वारे वाहण्याची शक्यता आहे. त्यामुळे मच्छिमारांनी बंगालचा उपसागर आणि अंदमान समुद्रात मासेमारीसाठी जाऊ नये, असा सल्ला देण्यात आला आहे. (Weather Update)
उत्तर प्रदेशात दाट धुक्याची शक्यता
उत्तर प्रदेशात 17 नोव्हेंबर रोजी पावसाचा नवीन इशारा नसला, तरी पूर्व आणि पश्चिम उत्तर प्रदेशातील काही भागांत दाट धुके पडण्याची शक्यता आहे. धुक्यामुळे सकाळच्या वेळेत दृश्यमानता कमी होऊन रस्ते, रेल्वे आणि हवाई वाहतुकीवर परिणाम होऊ शकतो. (Weather Update)
बिहारमध्ये पावसाचा अंदाज
बिहारमध्ये 17 नोव्हेंबर रोजी मोठ्या हवामान बदलाची शक्यता नाही. मात्र, 20 ते 22 नोव्हेंबरदरम्यान काही भागांत हलका ते मध्यम स्वरूपाचा पाऊस पडू शकतो. (Weather Update)
दिल्लीत हवामान कसे राहणार?
दिल्लीमध्ये 17 नोव्हेंबर रोजी आकाश प्रामुख्याने निरभ्र राहण्याची शक्यता आहे. सकाळी धुरके आणि हलके ते मध्यम धुके पडू शकते. कमाल तापमान 26 ते 28 अंश सेल्सिअस, तर किमान तापमान 13 ते 15 अंश सेल्सिअस राहण्याचा अंदाज आहे. (Weather Update)
दरम्यान, बंगालच्या उपसागरातील ‘अक्वान’ चक्रीवादळाची तीव्रता आणि त्याचा मार्ग यावर हवामान विभाग लक्ष ठेवून आहे. त्यामुळे दक्षिण भारतातील किनारपट्टी भागातील नागरिकांनी हवामान विभागाच्या सूचनांचे पालन करावे. (Weather Update)





