ICC ODI World Cup 2023 India vs South Africa Live Score :विश्वचषक 2023 च्या 37 व्या सामन्यात आज भारताचा सामना दक्षिण आफ्रिकेशी होत आहे.  गुणतालिकेत भारत पहिल्या तर दक्षिण आफ्रिका दुसऱ्या स्थानावर आहे. आज जिंकणारा संघ गुणतालिकेत अव्वल स्थानावर राहील. कोलकाता येथील ईडन गार्डन्सवर भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. टीम इंडियाने 50 षटकांत 5 गडी गमावून 326 धावा करत दक्षिण आफ्रिकेसमोर 327 धावांचे लक्ष्य ठेवले आहे.

IND Vs SA Live Score : विजयासाठी 327 धावांचा पाठलाग करताना दक्षिण आफ्रिकेची  15 षटकात 5 बाद 52 अशी अवस्था झालेली आहे. विजयासाठी आफ्रिकेला अजूनही 35 षटकात 275 धावांची आवश्यकता आहे. सध्या  मार्को यानसेन 2*(5) आणि डेव्हिड मिलर 10*(07) क्रीजवर आहे.

दक्षिण आफ्रिकेने 40 धावांवरच गमावल्या पाच विकेट…

दक्षिण आफ्रिकेने 40 धावांवर पाच विकेट गमावल्या आहेत. मोहम्मद शमीने डुसेनला विकेट्ससमोर पायचीत केले. त्याने 32 चेंडूत 13 धावा केल्या. रिव्ह्यू घेत भारताला पुन्हा एकदा विकेट मिळाली.

दक्षिण आफ्रिकेने 40 धावांवरच चौथी विकेट गमावली. रवींद्र जडेजाने हेन्रिक क्लासेनला बाद केले. त्याने 11 चेंडूत एक धाव घेतली. जडेजाने सुध्दा रिव्ह्यू घेत ही विकेट मिळवली.

भारताने 35 धावांवर दक्षिण आफ्रिकेचे तीन फलंदाज बाद केले. मोहम्मद शमीने एडन मार्करामला यष्टिरक्षक लोकेश राहुलकरवी झेलबाद करत आफ्रिकेला तिसरा धक्का दिला. मार्कराम सहा चेंडूंत नऊ धावा करून तो बाद झाला.

क्विंटन डी कॉकनंतर कर्णधार टेंबा बावुमाही बाद झाला आहे. रवींद्र जडेजाने बावुमाला क्लीन बोल्ड करत आफ्रिकेच्या संघाला दुसरा धक्का दिला. बावुमाने 19 चेंडूत 11 धावा केल्या.

दक्षिण आफ्रिकेला पहिला धक्का दुसऱ्याच षटकात सहा धावांवर बसला. या विश्वचषकात दोन शतके झळकावणाऱ्या क्विंटन डी कॉकला सिराजने क्लीनबोल्ड केलं. डी कॉक 10 चेंडूत एका चौकाराच्या मदतीने पाच धावा करू शकला.

तत्पूर्वी, भारताने दक्षिण आफ्रिकेसमोर 327 धावांचे लक्ष्य ठेवले आहे. नाणेफेक जिंकून प्रथम फलंदाजी करताना टीम इंडियाने 50 षटकांत 5 गडी गमावून 326 धावा केल्या. विराट कोहली 121 चेंडूत 101 धावा केल्यानंतर नाबाद राहिला. त्याचवेळी, रवींद्र जडेजा 15 चेंडूत 29 धावा करून नाबाद राहिला.  रोहित 24 चेंडूत 40 धावा करून बाद झाला. शुभमन गिल 24 चेंडूत 23 धावा करून बाद झाला. श्रेयस 87 चेंडूंत सात चौकार आणि दोन षटकारांच्या मदतीने 77 धावा करून बाद झाला. केएल राहुल काही विशेष करू शकला नाही आणि त्याला केवळ आठ धावा करता आल्या. सूर्यकुमार यादवने 14 चेंडूंत पाच चौकारांच्या मदतीने जलद 22 धावा केल्या. दक्षिण आफ्रिकेकडून लुंगी एनगिडी, मार्को जॅनसेन, कागिसो रबाडा, केशव महाराज आणि तबरेझ शम्सी यांनी प्रत्येकी एक विकेट घेतली.