CSK vs SRH Actress Shruti Hasan cried after CSK’s defeat : शुक्रवारी पॅट कमिन्सच्या नेतृत्वाखालील सनरायझर्स हैदराबादने चेन्नई सुपर किंग्जचा पाच विकेट्सने पराभव केला. संघाचा त्यांच्या घरच्या मैदानावर चेपॉक स्टेडियमवर हंगामातील हा चौथा पराभव आहे, ज्याने एक नवीन विक्रम रचला आहे. हा सामना पाहण्यासाठी बॉलिवूड अभिनेत्री श्रुती हासन देखील स्टेडियममध्ये उपस्थित होती. चेन्नईने हा सामना गमावताच श्रुती हसन रडू लागली. तिचा रडतानाचा व्हिडीओ सोशल मीडियावर व्हायरल होत आहे.
सीएसकेच्या पराभवाने श्रुतीला कोसळले रडू –
श्रुती तिच्या मैत्रिणींसोबत हा सामना पाहण्यासाठी आली होती आणि तिने प्रेक्षकांमध्ये बसून सामना एन्जॉय केला. चेन्नई सुपर किंग्जचा कर्णधार महेंद्रसिंग धोनी फलंदाजीला आला, तेव्हा ती खूप आनंदी दिसत होती. यावेळी तिने माहीचे काही फोटो आपल्या मोबाईलमध्ये कॅप्चर केले. मात्र, सीएसकेने सामना गमावल्यानंतर ती निराश झाली आणि तिला रडू कोसळले. श्रुती हसन व्यतिरिक्त, तमिळ सुपरस्टार अजित कुमार आणि इतर अनेक कॉलीवूड सेलिब्रिटी देखील सामना पाहण्यासाठी आले होते.
Sruti hasan cried after csk Los the match 💔
Once csk fan always a csk fan,
Win or loss csk forever. 💛#CSKvSRH pic.twitter.com/6fi65D7mKt— Saanvi (@SaanviMsdian) April 26, 2025
सलग पराभवांमुळे चाहते निराश –
Actress Shruti Hassan breaks down & got emotional when CSK lost the match yesterday. 🥺💔 pic.twitter.com/jqWxKwSd1e
— Tanuj (@ImTanujSingh) April 26, 2025
घरच्या मैदानावर चेन्नईचा आणखी एक पराभव झाल्याने संघाच्या चाहत्यांची निराशा झाली आहे. या पराभवामुळे संघाच्या प्लेऑफच्या आशा जवळजवळ संपल्या आहेत. परिस्थिती अशी आहे की आता हा संघ केवळ चमत्काराच्या जोरावर प्लेऑफमध्ये प्रवेश करू शकेल. संघाचे आता पाच सामने शिल्लक आहेत आणि त्यांना प्रत्येक सामना जिंकावा लागेल आणि इतर संघांच्या निकालांवरही अवलंबून राहावे लागेल.
हेही वाचा – CSK vs SRH : सनरायझर्स हैदराबादचा ऐतिहासिक विजय! पहिल्यांदाच भेदला सीएसकेचा ‘चेपॉक गड’
सीएसके संघाने सध्या नऊ पैकी सात सामने गमावले आहेत आणि फक्त दोन सामने जिंकले आहेत. सातत्याने खराब कामगिरीमुळे, संघ सध्या पॉइंट्स टेबलमध्ये शेवटच्या स्थानावर आहे. हैदराबादविरुद्धच्या सामन्याबद्दल बोलायचे, तर नाणेफेक गमावून प्रथम फलंदाजी करताना सीएसकेने १९.५ षटकांत सर्वबाद १५४ धावा केल्या होत्या. प्रत्युत्तरात सनरायझर्स हैदराबादने १८.४ षटकात ५ बाद १५५ धावा करत सामना जिंकला. विशेष म्हणजे हैदराबादने चेपॉकवर पहिल्यांदाच विजय मिळवला.
