Cristiano Ronaldo Sets New Goal-scoring Record : अनुभवी फुटबॉलपटू ख्रिस्तियानो रोनाल्डोने सौदी प्रो लीगच्या (एसपीएल) एकाच मोसमात सर्वाधिक गोल करण्याचा विक्रम केला आहे. त्याने गेल्या सोमवारी अल नासर विरुद्ध अल इतिहाद सामन्यात अल नासरकडून खेळताना 2 गोल केले आणि सौदी प्रो लीगच्या चालू हंगामात त्याच्या गोलांची संख्या 35 वर नेली. या सामन्यात अल नासरने अल इत्तिहादचा 4-2 असा पराभव केला आहे. रोनाल्डोने सौदी प्रो लीगमधील अब्दुर रझाक हमदल्लाहचा विक्रम मोडला आहे, ज्याने 2018-2019 हंगामात 34 गोल करण्याचा विक्रम केला होता.

39 वर्षीय रोनाल्डोने एसपीएल (SPL) च्या चालू मोसमात 31 सामने खेळताना एका मोसमात सर्वाधिक गोल (35) करण्याचा पराक्रम केला आहे. याशिवाय पोर्तुगीज फुटबॉल स्टार चार देशांतील चार लीगमध्ये खेळताना एकाच मोसमात सर्वाधिक गोल करणारा जगातील पहिला खेळाडू ठरला आहे.

हा विक्रम साधल्यानंतर क्रिस्टियानो रोनाल्डोने इंस्टाग्रामवर पोस्ट केली आणि कॅप्शनमध्ये लिहिले आहे की, “मी रेकॉर्डचा पाठलाग करत नाही, पण रेकॉर्ड माझा पाठलाग करतात.” अल-नासर विरुद्ध अल-इतिहाद सामनाही चर्चेचा विषय ठरला कारण मैदानात चाहते मेस्सीच्या नावाचा जयघोष करत होते.

Team India Head Coach : भारतीय संघाच्या प्रशिक्षकपदासाठी पंतप्रधान मोदी अन् गृहमंत्री शाह यांचे अर्ज? जाणून घ्या, काय आहे नेमंक प्रकरण…

रोनाल्डोचा संघ जेतेपदाला मुकला…

क्रिस्टियानो रोनाल्डोचा संघ अल-नासर 2023-2024 एसपीएल (SPL) हंगामात दुसऱ्या स्थानावर राहिला. अल-हिलालने हंगामात 96 गुण मिळवून अल-नासरला मागे टाकत विजेतेपद पटकावले. पण दुसऱ्या स्थानावर असूनही, अल-नासरने एएफसी चॅम्पियन्स लीग एलिटसाठी पात्रता मिळवली आहे. दरम्यान, रोनाल्डो 2023 मध्ये अल-नासर संघात सामील झाला होता आणि मागील मोसमातही त्याचा संघ दुस-या क्रमांकावर राहिला होता. गेल्या वर्षी अल-इतिहादने ट्रॉफीवर कब्जा केला होता.