Akash Deep Mukesh Kumar Appointed DSP Bihar Government : भारतीय क्रिकेट संघाचे दोन वेगवान गोलंदाज आकाश दीप (Akash Deep) आणि मुकेश कुमार (Mukesh Kumar) यांच्यासाठी आजचा दिवस अत्यंत भाग्याचा ठरला आहे. बिहार सरकारच्या ‘मेडल आणा, नोकरी मिळवा’ (Medal Lao, Naukri Pao) या महत्त्वकांक्षी योजनेअंतर्गत २४ जुलै रोजी दोन्ही खेळाडूंना थेट पोलीस उपाधीक्षक (DSP) पदावर नियुक्त करण्यात आले आहे. पटना येथील उर्जा ऑडिटोरियममध्ये आयोजित एका भव्य कार्यक्रमात बिहारचे मुख्यमंत्री सम्राट चौधरी यांच्या हस्ते या दोन्ही क्रिकेटपटूंना नियुक्ती पत्रे सोपवण्यात आली.

एकूण १९ खेळाडूंना सरकारी नोकरी; ‘सेतु’ला ३७ लाखांचे बक्षीस!

या ऐतिहासिक कार्यक्रमात क्रिकेटपटूंसह बिहारच्या एकूण १९ गुणवंत खेळाडूंना सरकारी सेवेत सामावून घेण्यात आले. यामध्ये धावपटू पीयूष राज याला पोलीस उपनिरीक्षक (SI) पद देण्यात आले, तर ५ पॅरा-ॲथलीट्सचाही समावेश होता. आशियाई अंडर-२३ स्पर्धेत सुवर्ण आणि अ‍ॅथलेटिक्स चॅम्पियनशिप २०२६ मध्ये रौप्य पदक जिंकणाऱ्या सेतु मिश्रा हिला ३७.५० लाख रुपयांची मोठी सन्मान राशी देण्यात आली, तर विभास्कर कुमारला २ लाख रुपये प्रदान करण्यात आले. मुख्यमंत्र्यांसह उपमुख्यमंत्री विजय कुमार चौधरी आणि क्रीडामंत्री श्रेयसी सिंह या कार्यक्रमाला उपस्थित होते. बिहार सरकारने गेल्या दोन वर्षांत १८० खेळाडूंना सरकारी नोकऱ्या दिल्या आहेत.

Cricketers Akash Deep and Mukesh Kumar have been appointed as Deputy Superintendents of Police (DSPs) in Bihar as the state government rewarded 19 medal-winning athletes with government jobs under its ‘Medal Lao, Naukri Pao’ scheme. Bihar Chief Minister Samrat Choudhary handed… pic.twitter.com/wu3WcaO63G

— IndiaToday (@IndiaToday) July 24, 2026

दोन्ही गोलंदाजांचे टीम इंडियात पुनरागमन करण्याचे लक्ष्य!

क्रिकेटर आकाशदीप और मुकेश कुमार बने DSP, CM सम्राट चौधरी ने दिया ऑफर लेटर, दोनों ने सीएम के पैर छूकर लिया आशीर्वाद….#SamratChoudhary #AkashDeep #MukeshKumar #BiharPolice #DSP #BiharGovernment #SportsQuota #IndianCricket #Bihar #BiharNews #Patna #PatnaNews #LiveCities pic.twitter.com/MwVxo3Jjj3

— Live Cities (@Live_Cities) July 24, 2026

सध्या हे दोन्ही वेगवान गोलंदाज भारतीय संघातून (Team India) बाहेर असून, ते पुनरागमनासाठी कसून सराव करत आहेत. आकाश दीप आयपीएल २०२६ (IPL 2026) दरम्यान दुखापतग्रस्त झाल्यामुळे संपूर्ण हंगामाला मुकला होता, त्यामुळे तो कधी तंदुरुस्त होऊन परतणार याकडे सर्वांचे लक्ष आहे. दुसरीकडे, मुकेश कुमारने आयपीएल २०२६ मध्ये दिल्ली कॅपिटल्सकडून (Delhi Capitals) चमकदार कामगिरी करण्याचा प्रयत्न केला होता, मात्र त्याचे प्रदर्शन संमिश्र राहिले.

हेही वाचा – Sachin Tendulkar Statement : “अपयश चालेल, पण चीटिंग नाही…!”, विद्यार्थ्यांच्या दिल्लीतील आंदोलनावर सचिन तेंडुलकरचं मोठं वक्तव्य

आता बिहार पोलिसात ‘डीएसपी’ बनल्यामुळे या दोन्ही खेळाडूंचा आत्मविश्वास द्विगुणित झाला आहे.