मुंबई – बॉलिवूडला आणखी एक नवी अभिनेत्री-क्रिकेटर जोडी मिळणार आहे का? असा प्रश्न सध्या सोशल मीडिया चांगलाच चर्चेत आला आहे. अभिनेत्री सारा अली खान आणि शुभमन गिलचा फोटो सोशल मीडियावर व्हायरल होत आहे.

एका चाहत्याने दोघांना रेस्टॉरंटमध्ये एकत्र बसलेले पाहिले आणि हा व्हिडिओ सोशलवर शेअर केला. व्हिडिओच्या पार्श्वभूमीवर सारा आणि शुभमन डिनर करताना दिसत होते. हा व्हिडिओ पाहताच व्हायरल होऊ लागला आणि त्यांच्या डेटींगच्या चर्चा रंगू लागल्या आहे. व्हिडिओमध्ये सारा गुलाबी रंगाच्या पोशाखात तर शुभमन पांढऱ्या-हिरव्या शर्टमध्ये दिसला.

व्हायरल व्हिडिओवर युजर्सनी घेतली मजा 

हा व्हिडिओ पाहिल्यानंतर त्यांच्या नात्याची चर्चा सुरू झाली आहे. व्हायरल व्हिडिओची वेळ देखील खास आहे. कारण शुभमन गिल मास्टर ब्लास्टर सचिन तेंडुलकरची मुलगी सारा तेंडुलकरला डेट करत असल्याच्या बातम्या आल्या होत्या. मात्र नुकतेच दोघांचे ब्रेकअप झाल्याचे दिसून येत आहे. सारा आणि शुभमनने इंस्टाग्रामवर एकमेकांना अनफॉलो केले आहे. या सर्व चर्चेदरम्यान, सारा अली खानसोबत शुभमनचे दिसणे हा  बॉलीवूड इंडस्ट्रीत चर्चेचा विषय आहे. मात्र, सारा आणि शुभमन यांच्या डेटिंगच्या वृत्तावर कोणतीही प्रतिक्रिया आलेली नाही.

सारा आणि शुभमनला एकत्र पाहण्यासाठी लोक मजेशीर कमेंट करत आहेत. शुभमन आणि साराला एकत्र पाहून अनेकांना आश्चर्यही वाटले. एका यूजरने लिहिले,’काय गोंधळ आहे. दुसर्‍याने एन्जॉय करताना लिहिले,’असे दिसते की शुभमन साराचे वेड आहे. अनेक मीम्सही व्हायरल होत आहेत. एक मीम मजेदार आहे, त्यावर लिहिले आहे – सारा ही सारा, मग तो तेंडुलकर असो वा खान.

सारा आणि शुभमनच्या डेटींगमध्ये कितपत खर आहे हे माहीत नाही. सारा अली खानचे एकदा कार्तिक आर्यनसोबत नाते होते. कॉफी विथ करणमध्ये साराने विजय देवराकोंडासोबत डेटिंग केल्याची चर्चा होती.