Sir Garfield Sobers Demise West Indies Legend Cricket History Greatest All Rounder : क्रिकेट जगतातून एक अत्यंत दुःखद बातमी समोर आली आहे. क्रिकेटच्या इतिहासातील सर्वात महान ऑलराउंडर मानले जाणारे वेस्टइंडीजचे माजी दिग्गज खेळाडू सर गारफिल्ड (गॅरी) सोबर्स (Sir Garfield Sobers) यांचे वयाच्या ८९ व्या वर्षी निधन झाले. १९५४ ते १९७४ या दोन दशकांच्या काळात त्यांनी वेस्ट इंडिज क्रिकेटचा सुवर्णकाळ गाजवला आणि आपल्या अष्टपैलू कामगिरीच्या जोरावर संघाला अनेक ऐतिहासिक विजय मिळवून दिले. त्यांच्या निधनाने क्रिकेट विश्वातील एका दैदीप्यमान पर्वाचा अंत झाला आहे.

सर्वात पहिल्यांदा एकाच ओव्हरमध्ये ६ सिक्स मारण्याचा पराक्रम –

सर गॅरी सोबर्स यांच्या नावावर क्रिकेट विश्वातील अनेक अजरामर विक्रमांची नोंद आहे. फर्स्ट क्लास क्रिकेटमध्ये एकाच षटकात सलग ६ षटकार (६ बॉल्समध्ये ६ सिक्स) ठोकणारे ते जगातील पहिले फलंदाज होते. कार्डिफ येथे झालेल्या काउंटी चॅम्पियनशिपच्या सामन्यात त्यांनी हा अविश्वसनीय पराक्रम केला होता. याशिवाय, १९६५ ते १९७२ या काळात त्यांनी ३९ कसोटी सामन्यांमध्ये वेस्ट इंडिज संघाचे यशस्वी नेतृत्व देखील केले होते.

In 1968 Sir Gary Sobers became the first batter to hit 6 sixes in an over. RIP Sir Gary Sobers, gone, but never forgotten 💔😢🏏 pic.twitter.com/81Ro2Z7Bii

— James (@Surreycricfan) July 17, 2026

३६५ धावांची मॅरेथॉन खेळी आणि अफाट रेकॉर्ड –

The BCCI mourns the passing of Sir Garfield Sobers, a true icon of the game and one of cricket’s greatest-ever all-rounders.

His extraordinary achievements, lasting influence on Caribbean cricket and immeasurable contribution to the global game have left an enduring legacy that… pic.twitter.com/5263SNLezn

— BCCI (@BCCI) July 17, 2026

२८ जुलै १९३६ रोजी बार्बाडोस येथे जन्मलेल्या सोबर्स यांनी ९३ कसोटी सामन्यांत ५७.७८ च्या नेत्रदीपक सरासरीने ८,०३२ धावा कुटल्या. यात २६ शतके आणि ३० अर्धशतकांचा समावेश होता. १९५८ मध्ये पाकिस्तानविरुद्ध त्यांनी नाबाद ३६५ धावांची मॅरेथॉन खेळी केली होती, ज्या जागतिक विक्रमाचा थरार पुढे १९९४ मध्ये ब्रायन लाराने (३७५ धावा) मोडीत काढला. डाव्या हाताने स्फोटक फलंदाजी करणाऱ्या सोबर्स यांचे वैशिष्ट्य म्हणजे ते मध्यम गती गोलंदाजीसोबतच चपळ स्पिन बॉलिंगही करायचे. त्यांनी कसोटीत २३५ विकेट्स घेतल्या.

हेही वाचा – Ashwin Slams BCCI : बड्या कंपन्यांचे उदाहरण देत अश्विनने बीसीसीआयला सुनावलं; म्हणाला, “जर रोहितला हटवायचेच होते, तर…”

फर्स्ट क्लास क्रिकेटमधील ‘बाहुबली’ –

West Indies great Garry Sobers, one of the finest all-rounders of all time, has passed away.

He would have turned 90 on July 28.

Rest in peace. pic.twitter.com/mZI5YbMprZ

— Cricbuzz (@cricbuzz) July 17, 2026

सोबर्स यांनी आपल्या कारकिर्दीत केवळ १ एकदिवसीय (ODI) सामना खेळला. मात्र, फर्स्ट क्लास क्रिकेटमध्ये त्यांचा प्रचंड दबदबा होता. ३८३ फर्स्ट क्लास सामन्यांमध्ये त्यांनी २८,००० पेक्षा जास्त धावा केल्या आणि १,००० हून अधिक विकेट्स घेण्याचा चमत्कार केला. कारकिर्दीच्या उत्तरार्धात ते साऊथ ऑस्ट्रेलिया आणि नॉटिंगहॅमशायरकडूनही खेळले. त्यांच्या निधनानंतर जगभरातील दिग्गजांनी त्यांना आदरांजली वाहिली आहे.